.jpg)
ស្រាវីស្គីប្រពៃណី ឃេនធូគី របស់អាមេរិកកំពុងតែប្រឈមបញ្ហាផលិត។ រូបថត AFP
ក្រុងញូវយ៉ក: កាលពីប៉ុន្មានខែមុន ស្រាវីស្គី ឃេនធូគី បានបង្កការភ្ញាក់ផ្អើលពាសពេញពិភពលោក។ គ្រឿងស្រវឹងដ៏ពេញនិយមសម័យដូនតា ស្រាអាមេរិកផលិតឡើងពីពោតក្នុងស្រុក និងទឹកជ្រលងភ្នំថ្មកំបោរប្រចាំតំបន់ ដោយល្បីរហូតវាត្រូវបានដាក់លក់នៅទីក្រុងម៉ាឌ្រីដ តូក្យូ ស៊ីដនី ប៉ារីស វ៉ាសូវី និងប៊ែរឡាំង។
ស្រាប្រពៃណីឃេនធូគី ជាវីស្គីអប់រាប់ឆ្នាំ និងជាភេសជ្ជៈក្រឡុកពីតំបន់អាមេរិកខាងត្បូង និងសម័យ Jazz Age ដូចជា ម៉ាន់ហាតាន់ អូល ហ្វេសសិន សាហ្សេរ៉ាក និងមីន ជូលេព ជាដើម។
ក្រុមអ្នកផលិតស្រាបានកើបប្រាប់រាប់ពាន់លានដុល្លារពីការផលិតស្រា ផ្សព្វផ្សាយ និងការជួល។ អេរីក ហ្គ្រេហ្គូរី ប្រធានសមាគមអ្នកបិតស្រាឃេនធូគី បានប្រាប់ AFP ថា៖ «បញ្ហាចម្បងបំផុតក្នុងរយៈពេលប៉ុន្មានឆ្នាំចុងក្រោយគឺថាយើងមិនអាចផលិតវាទាន់ការកុម្ម៉ង់នោះឡើយ»។
ប៉ុន្ដែមិនយូរប៉ុន្មានកាលពីពាក់កណ្ដាលឆ្នាំមុន វាបង្កើតជាសង្គ្រាមពាណិជ្ជកម្មរបស់លោកប្រធានាធិបតី ដូណាល់ ត្រាំ។ ជាការសងសឹកនឹងការកើនឡើងនៃពន្ធអាកររបស់អាមេរិកថ្មីលើការនាំចូលដែក និងអាលុយមីញ៉ូម ប្រទេសម៉ិកស៊ិក កាណាដា ចិន និងសហភាពអឺរ៉ុបបានបង្កើនពន្ធលើវីស្គីអាមេរិក ដែលបង្កប៉ះពាល់ចំពោះការនាំចេញ។
មិនដូចជាក្រុមហ៊ុនផលិតម៉ូតូនិមិត្តរូប Harley-Davidson ដែលប្រកាសកាលពីឆ្នាំមុនថាខ្លួនបានដាក់ទីតាំងលក់ផលិតផលមួយចំនួនដើម្បីសម្របទៅតាមពន្ធអឺរ៉ុប ឧស្សាហកម្មស្រាវីស្គី មិនអាចគេចផុតពីពន្ធអាករ ពីព្រោះតាមច្បាប់ស្រាវីស្គីមិនអាចត្រូវបានផលិតនៅក្រៅសហរដ្ឋអាមេរិកឡើយ៕ HR
