ក្រុងប៉េកាំង: ឫស្សីគឺជាធនធានប្រើប្រាស់បានច្រើនមុខរួចស្រាប់ទៅហើយសម្រាប់មនុស្ស តែភូមិឋាននានាក្នុងតំបន់ខ្លះនៃប្រទេសចិនបាននឹកឃើញការប្រើប្រាស់ដើមឫស្សីរស់ជំនួសធុងអប់ស្រាស។
អ្នកភូមិ និងអ្នកផលិតស្រាសតាមបណ្ដាខេត្ដនានារបស់ចិនបាននឹកឃើញប្រើបំពង់ឫស្សីរស់ដើម្បីផលិតគ្រឿងស្រវឹងដែលមានការពេញនិយមខ្លាំងចំពោះភ្ញៀវទេសចរ។
ដោយការប្រើទិចនិកបញ្ចូលទឹកក្រោមសម្ពាធខ្ពស់ ពួកគេបានចាក់ស្រាអង្ករ ឬស្រាស្ពៅចូលគ្រប់ប្រឡោះថ្នាំងឫស្សី និងទុកឲ្យឡើងមេជាច្រើនខែ ឬដល់ ១ ឆ្នាំកន្លះអំឡុងដែលស្រាចាប់ផ្ដើមដាក់រសជាតិ។
វាបានបង្កើនក្លិន ភាពបរិសុទ្ធ និងកាត់បន្ថយសមាសធាតុពុលពីស្រា។ វាក៏បានបន្ទាបអានុភាពអាកុល ខណៈឫស្សីស្រូបយកបរិមាណខ្លះពីស្រាផងដែរ។ វាជាផលិតផលសម្រេចដែលភ្ញៀវអាចទទួលទានភ្លាមៗនៅកន្លែង តែបើនរណាម្នាក់ចង់ទិញស្រាស នេះជាកាដូ និងបង្កើតភាពភ្ញាក់ផ្អើលពួកគេអាចជ្រើសរើសយកវិធីកាត់បំណែកបំពង់ឫស្សីប្រើជំនួសដបស្រាតែម្ដង។
ទិចនិកអប់ស្រាឲ្យពេញវ័យត្រូវបានអនុវត្ដដំបូងក្នុងខេត្ដហ្វ៊ូជៀន តែត្រូវបានបន្ដធ្វើដោយអ្នកភូមិ និងអ្នកផលិតស្រានៅតាមតំបន់នានានៃប្រទេសដូចជា ហ្គ័ងស៊ី និងស៊ីឈួន។ ការផលិតស្រាសតាមទិចនិកនេះពិតជាមានកំណត់ត្រឹមតែប៉ុន្មានម៉ឺនលីត្រក្នុង ១ ឆ្នាំ តែតាមតម្រូវការកំពុងតែកើនឡើងចំនួនបិតស្រាបំពង់ឫស្សីក៏បង្កើនការផលិតផងដែរ។
ស្រាសបិតក្នុងបំពង់ឫស្សីលក់តម្លៃប្រមាណ ៥០០ យន់ (៧២ ដុល្លារ) ក្នុង ១ បំពង់ឫស្សី តែភ្ញៀវជាច្រើនមិនខ្លាចនឹងចំណាយខ្ពស់ជាងនេះដោយគិតពីអត្ថប្រយោជន៍ចំពោះសុខភាព និងភាពល្បីល្បាញនៃ «ស្រាបំពង់ឫស្សី»៕ HR