.jpg)
រសជាតិស្រាបៀរមិនសំខាន់ដូចកត្តាហ្សែន និងអារម្មណ៍ផ្ទាល់ខ្លួន។ រូបថត ភ្នំពេញ ប៉ុស្ដិ៍
ក្រុងវ៉ាស៊ីនតោន: ចង់ឲ្យខ្លួនឯងកាន់តែឡូយសម្រាប់អ្នកនិយមកាហ្វេបែបរសជាតិល្វីងខ្លាំងមែនទេ? ឬក៏ស្រាបៀរក្រអូបប្រសើរ? ការពិតគឺថាចំណូលចិត្ដរបស់មនុស្សម្នាក់ៗអាចគិតដល់កាហ្វេ ឬគ្រឿងស្រវឹង ឬភេសជ្ជៈសូដាជាតិស្ករខ្ពស់ដោយមិនផ្ដោតសំខាន់លើរសជាតិ តែជាអ្វីដែលបំពេញចិត្ដខាងផ្លូវអារម្មណ៍ទៅវិញ។ នេះបើយោងតាមការសិក្សាថ្មីមួយពីក្រុមអ្នកវិទ្យាសាស្ដ្រផ្នែកហ្ស៊ែននៅសាកលវិទ្យាល័យ Northwestern ដែលចុះផ្សាយក្នុងព្រឹត្ដិបត្រ Human Molecular Genetics។
ក្នុងការស្រាវជ្រាវចុងក្រោយ អ្នកស្រី ម៉ារីលីន ខូណេលីស ដែលបានចុះផ្សាយស្ដីពីហ្សែនទាក់ទងនឹងការញ៉ាំហ្វេបានចាប់ផ្ដើមកំណត់ថា តើហ្សែនរសជាតិណាមានតួនាទីគ្រប់គ្រងលើអ្វីដែលយើងផឹក។
ប៉ុន្ដែចំពោះការភ្ញាក់ផ្អើលរបស់អ្នកស្រី និងក្រុមការងារចំណូលចិត្ដរបស់មនុស្សមិនផ្ដោតសំខាន់លើរសជាតិប្លែកៗនោះទេ តែជាហ្ស៊ែនដែលទាក់ទងនឹងឥទ្ធិពលធ្វើឲ្យផ្លាស់ប្ដូរចិត្ដរបស់ភេសជ្ជៈ។
អ្នកវិទ្យាសាស្ត្ររកឃើញពីចំណូលចិត្តកាហ្វេ អាស្រ័យលើអារម្មណ៍។ហុង មិនា
អ្នកស្រី ខូណេលីស បាននិយាយថា៖ «ហ្ស៊ែនដែលមានអានុភាពបង្វែរចំណូលចិត្ដរបស់យើងគឺវាទាក់ទងនឹងអារម្មណ៍ចូលចិត្ដភេសជ្ជៈទាំងនោះ។ មនុស្សចូលចិត្ដផ្លូវអារម្មណ៍ដែលទទួលបានពីការទទួលទានកាហ្វេ ឬគ្រឿងស្រវឹង។ នោះជាមូលហេតុដែលពួកគេផឹកភេសជ្ជៈ»។
ការសិក្សាដែលផ្ដល់មូលនិធិដោយសមាគមន៍បេះដូងអាមេរិក និងវិទ្យាស្ថានជាតិសុខភាពបានប្រមូលតារាងសំណួរស្ដីពីរបបអាហាររយៈពេល ២៤ ម៉ោងពីមនុស្សប្រមាណ ៣៣៦ ០០០ នាក់ដែលមានសាច់សាលោហិតពីអឺរ៉ុប។
អ្នកស្រី ខូណេលីស បានថ្លែងថា៖ «រសជាតិភេសជ្ជៈជាកត្ដាមួយដែរ តែវាត្រូវការពេលវេលាយូរបន្ដិចចំពោះចំណូលរសជាតិនេះ»៕ HR
