ភ្នំពេញ៖ លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានប្រកាសនៅថ្ងៃនេះថា ទេសចរបារាំងចំនួនពីរនាក់ថ្មីទៀតនៅខេត្តព្រះសីហនុបានរកឃើញវិជ្ជមានវីរុសកូវីដ ១៩ ដែលធ្វើឲ្យស្ថិតិអ្នកវិជ្ជមានកូវីដ ១៩ កើនឡើងចំនួន ៩៣ នាក់ នៅក្នុងប្រទេស កម្ពុជា។
ក្នុងពិធីសំណេះសំណាលជាមួយគ្រូពេទ្យស្ម័គ្រចិត្តមុននឹងពួកគេចេញបំពេញបេសកកម្មជាមួយក្រសួងសុខាភិបាលដើម្បីប្រយុទ្ធជាមួយជំងឺកូវីដ ១៩ លោក ហ៊ុន សែន ថ្លែងថា៖ «បារាំង ២ នាក់ឆ្លងថែម យើងឡើងដល់ ៩៣ ករណី»។
លោកនាយករដ្ឋមន្ត្រីក៏ប្រកាសផងដែរថា រាជរដ្ឋាភិបាលនឹងចេញលុយព្យាបាល និងការចំណាយលើការស្នាក់នៅរបស់ជនបរទេសទាំងអស់ដែលកើតជំងឺកូវីដ ១៩ នៅកម្ពុជា។
លោក ហ៊ុន សែន ថ្លែងថា៖ «ខ្មែរយើងក្រ តែចិត្តធំនោះ គឺយើងចេញលុយព្យាបាលនិងចំណាយលើការស្នាក់នៅរបស់ជនបរទេសទាំងអស់ដែលកើតជំងឺកូវីដ ១៩ នៅកម្ពុជាយើង»៕
វីដេអូ៖