កាល​ពី ខែ​មករា រដ្ឋាភិបាល​បាន​ធ្វើ​ការ​បង្ក្រាប​ហិង្សា​ទៅ​លើ​ក្រុម​បាតុករ​ក្នុង​វិស័យ​កាត់ដេរ​ក្នុង​រាជធានី​ភ្នំពេញ​ដោយ​បាន​បណ្តាល​ឲ្យ​មាន​ការ​ស្លាប់​មនុស្ស​ចំនួន​ប្រាំ​នាក់។ កម្លាំង​យោធា និង​នគរបាល​ក៏​បាន​ធ្វើ​ការ​វាយ​ដំ​យ៉ាង​ដំណំ​ផង​ដែរ​ទៅ​លើ​ក្រុម​អ្នក​តវ៉ា់ និង​បាន​ធ្វើ​ការ​ចាប់​ខ្លួន​មនុស្ស ២៣ នាក់​ក្នុង​រយៈ​ពេល ២ ថ្ងៃ។ អ្នក​ដែល​ត្រូវ​ចាប់​ខ្លួន រួម​មាន ក្រុម​សកម្មជន​ការពារ​សិទ្ធិ​មនុស្ស​ចំនួន​បួន​នាក់។ អំពើ​ហិង្សា​និង​ព្រៃផ្សៃ​នៃ​ការ​ចាប់​ខ្លួន​និង​ការ​ឃុំ​ខ្លួន​ពួក​គេ​អស់​រយៈ​ពេល ៥ ខែ​និង​ការ​កាត់​ទោស​នា​ពេល​ថ្មីៗ​នេះ​ដោយ​តុលាការ គឺជា​ការ​បង្ហាញ​ឲ្យ​ឃើញ​អំពី​ការ​គ្មាន​ភាព​អត់​ឱន​របស់​រដ្ឋាភិបាល​ទៅ​លើ​អ្នក​ដែល​គំរាម​ទៅ​លើ​អត្ថ​ប្រយោជន៍​សេដ្ឋកិច្ច និង​ភាព​ស្រប​ច្បាប់​របស់​ខ្លួន។