ក្រុងមីឡានៈ ក្រុមហ៊ុន Moody''s បានទម្លាក់ចំណាត់ថ្នាក់ឥណទានរបស់ប្រទេស អុីតាលី ១ ចំណាត់ថ្នាក់ ដោយសារក្តីបារម្ភពីផែនការដែលនឹងជំរុញឲ្យឱនភាពកាន់តែរីកធំឡើង និងបន្ទុកបំណុលសាធារណៈខ្ពស់។
នៅសប្តាហ៍មុន គណៈកម្មការអឺរ៉ុបបានព្រមានប្រទេស អុីតាលី ជាផ្លូវការថា ផែនការថវិការបស់ប្រទេសនេះសម្រាប់ឆ្នាំ ២០១៩ គឺជាការបារម្ភដ៏ ធ្ងន់ធ្ងរមួយ ដែលការចាប់ផ្ដើមនីតិវិធីមានហានិភ័យខ្ពស់ ដែលអាចមើលឃើញទីក្រុងរ៉ូមទទួលរងការដាក់ទណ្ឌកម្មសេដ្ឋកិច្ចដែលមិនធ្លាប់មានដោយសារការមិនគោរពតាមការប្ដេជ្ញាចិត្តចំពោះទីក្រុង ប្រ៊ុចសែល។
ចំណុចសំខាន់នៃក្តីបារម្ភនេះគឺបំណុលសាធារណៈរបស់ប្រទេស អុីតាលី ដែលមានចំនួន ២,៣ ពាន់ពាន់លានអឺរ៉ូ ឬ ១៣១ ភាគរយនៃផលិតផលក្នុងស្រុកសរុប (GDP) ដែលជាអត្រាខ្ពស់បំផុតនៅតំបន់ចាយប្រាក់អឺរ៉ូបន្ទាប់ពីប្រទេស ក្រិក។
ទីក្រុងប្រ៊ុចសែលបានទាមទារឲ្យប្រទេស អុីតាលី កាត់បន្ថយការចំណាយ និងកាត់បន្ថយឱនភាពសាធារណៈរបស់ខ្លួន ដើម្បីកាត់បន្ថយបន្ទុកបំណុលសាធារណៈ។
ប៉ុន្តែរដ្ឋាភិបាលចម្រុះប្រជានិយមរបស់ប្រទេសនេះបានធ្វើផ្ទុយពីនេះ ដោយផ្ដល់សេចក្ដីព្រាងថវិកា ដែលបង្កើនការចំណាយរួមទៅវិញ។
ការទម្លាក់ចំណាត់ថ្នាក់ឥណទានដោយទីភ្នាក់ងារវាយតម្លៃចំណាត់ថ្នាក់បំណុល Moody''s ពីកម្រិត Baa2 មកត្រឹម Baa3 ជាមួយនឹងចក្ខុវិស័យស្ថិរភាពនេះ គឺជាវិធានការចុងក្រោយបំផុត ដោយអង្គការឃ្លាំមើលហិរញ្ញវត្ថុអន្តរជាតិ ដែលប្រកាសអាសន្នដោយសារសុខភាពសេដ្ឋកិច្ចរបស់ប្រទេសអុីតាលី»៕ AFP/LA