.jpg)
តម្លៃនៃការនាំចេញទំនិញរបស់អាមេរិកទៅកាន់ប្រទេស ចិន កាលពីឆ្នាំ ២០១៨ មានចំនួនសរុប ១១៨ ពាន់លានដុល្លារធ្លាក់ចុះ ៧ ភាគរយ ធៀបនឹងឆ្នាំ ២០១៧។ AFP
ក្រុងវ៉ាស៊ីនតោនៈ តម្លៃនៃការនាំចេញទំនិញរបស់អាមេរិកទៅកាន់ប្រទេស ចិន កាលពីឆ្នាំ ២០១៨ មានចំនួនសរុប ១១៨ ពាន់លានដុល្លារ ធ្លាក់ចុះ ៧ ភាគរយ ធៀបនឹងឆ្នាំ ២០១៧។ នេះបើតាមរបាយការណ៍ដែលចេញផ្សាយនៅសប្តាហ៍មុនដោយក្រុមប្រឹក្សាពាណិជ្ជកម្មអាមេរិក និងចិន (USCBC)។
លោក Craig Allen ប្រធាន USCBC បានឲ្យដឹងនៅក្នុងសេចក្ដីប្រកាសព័ត៌មានមួយថា៖ «ទីក្រុង និងរដ្ឋជាច្រើននៅទូទាំងសហរដ្ឋអាមេរិក ព្រមទាំងក្រុមហ៊ុនជាច្រើនដែលបង់ពន្ធ និងផ្ដល់ការងារដល់ប្រជាជននៅទីនោះ បន្តទទួលរងផលប៉ះពាល់ ជាពិសេសដោយសារការខាតបង់ការលក់ដែលបណ្ដាលមកពីពន្ធនាំចូលពិន័យ»។
លោក Allen ថ្លែងថា៖ «ចាប់តាំងពីទិន្នន័យត្រូវបានប្រមូលកាលពីឆ្នាំ ២០១៨ លទ្ធផលនាថ្ងៃនេះគឺកាន់តែអាក្រក់នៅពេលអ្នកដាក់បញ្ចូលការដកហូតពន្ធនាំចូលផ្សេងៗដែលបានដកចាប់តាំងពីខែមករាមកជាមួយនឹងពន្ធថ្មីដែលនឹងមកដល់ក្នុងពេលឆាប់ៗនេះ»។
របាយការណ៍នេះបង្ហាញថា សង្កាត់ទាំង ២៦៥ បានមើលឃើញទំហំការនាំចេញកាលពីឆ្នាំ ២០១៨ មានកម្រិតទាបជាងឆ្នាំ ២០១៧ និងសង្កាត់ ៦១ ផ្សេងទៀតបានមើលឃើញការនាំចេញទំនិញមានកំណើនតម្លៃតិចជាង ១០ លានដុល្លារក្នុងរយៈពេលដូចគ្នា។
របាយការណ៍នេះបានឲ្យដឹងថា សង្កាត់ជាច្រើនដែលពឹងផ្អែកលើការនាំចេញកសិកម្មបានមើលឃើញការលក់ទៅប្រទេស ចិន «កាន់តែតិច» ដោយសារជម្លោះពាណិជ្ជកម្មដែលបន្តកើតមាន និងកាន់តែខ្លាំងឡើងរវាងប្រទេសដែលមានសេដ្ឋកិច្ចឈានមុខគេទាំង ២ របស់ពិភពលោក។ តំបន់ Midwestern និង Plains ដែលនាំចេញសណ្ដែកសៀងក្នុងបរិមាណច្រើន និងផលិតផលកសិកម្មផ្សេងទៀត «បានរងផលប៉ះពាល់យ៉ាងខ្លាំង»៕ LA
