.jpg)
លោក Ghosn បង្ហាញមុខក្នុងកញ្ចប់ទូរទស្សន៍ជប៉ុនកាលពីខែមុន។ រូបថត AFP
ក្រុងតូក្យូៈ ក្រុមប្រឹក្សាភិបាលរបស់ក្រុមហ៊ុនផលិតរថយន្ត Nissan បានជួបប្រជុំនៅថ្ងៃនេះ ដើម្បីពិភាក្សាពីការជ្រើសរើសប្រធានថ្មី ដើម្បីជំនួសលោក Carlos Ghosn បន្ទាប់ពីលោកត្រូវបានចាប់ខ្លួនពីបទរាយការណ៍ប្រាក់ចំណូលមិនត្រឹមត្រូវ ខណៈភាពតានតឹងកើនឡើងក្នុងសម្ព័ន្ធរបស់ក្រុមហ៊ុននេះជាមួយក្រុមហ៊ុនផលិតរថយន្ត Renault។
ក្រុមហ៊ុនផលិតរថយន្តជប៉ុនមួយនេះបានដកលោក Ghosn ចេញពីតំណែងរបស់លោកកាលពីខែមុន បន្ទាប់ពីលោកត្រូវបានឃុំខ្លួនដោយចោទប្រកាន់ពីបទរាយការណ៍ប្រាក់ខែរបស់លោកមុនត្រឹមត្រូវ។
ប៉ុន្តែវាមិនទំនងនោះទេថា នឹងមានការព្រមព្រៀងនៅថ្ងៃនេះក្នុងការស្វែងរកមនុស្សមកជំនួសតំណែងរបស់លោក Ghosn មួយផ្នែកដោយសារការខ្វែងគំនិតគ្នាដោយចំហរនៅក្នុងសម្ព័ន្ធរបស់ក្រុមហ៊ុននេះជាមួយក្រុមហ៊ុនផលិតរថយន្តបារាំង Renault៕ AFP/KC
