.jpg)
ក្រុមហ៊ុនផលិតរថយន្ត BMW ប្រកាសបិទការផលិតនៅអឺរ៉ុប ដែលទទួលរងផលប៉ះពាល់ដោយវិធានការទប់ស្កាត់ជំងឺកូវីដ ១៩។ រូបថត AFP
ហ្វ្រេងហ្វឺតៈ BMW ជាក្រុមហ៊ុនផលិតរថយន្តប្រទេសអាល្លឺម៉ង់បានឲ្យដឹងកាលពីថ្ងៃពុធថា ខ្លួននឹងបិទរោងចក្រនៅអឺរ៉ុប និងអាហ្វ្រិកខាងត្បូង ដែលមានចំនួនពាក់កណ្ដាលនៃទិន្នផលរបស់ខ្លួនក្នុង ១ ខែធៀបនឹងក្រុមហ៊ុនផលិតរថយន្តឈានមុខគេផ្សេងទៀតដែលទទួលរងផលប៉ះពាល់ដោយវិធានការទប់ស្កាត់ជំងឺកូវីដ ១៩។
ក្រុមហ៊ុននេះក៏បានព្រមានដែរថា ប្រាក់ចំណេញនៅឆ្នាំនេះនឹងធ្លាក់ចុះកាន់តែទាបខ្លាំង ដោយសារតែវិបត្តិនេះ។
លោក Oliver Zipse ប្រធានប្រតិបត្តិបានថ្លែងថា៖ «ចាប់ពីថ្ងៃនេះទៅ យើងនឹងបិទរោងចក្រផលិតរថយន្តអឺរ៉ុបរបស់យើង និងរោងចក្រនៅតំបន់ Rosslyn នៅអាហ្វ្រិកខាងត្បូង»។
លោកបន្ថែមថា ការបង្អាក់នេះត្រូវបានរំពឹងថា នឹងមានរយៈពេល «រហូតដល់ថ្ងៃទី ១៩ ខែមេសា»។
រោងចក្ររបស់ BMW ជុំវិញអឺរ៉ុបនៅរដ្ឋ Bavaria ជាកន្លែងផ្សេងទៀតនៅប្រទេសអាល្លឺម៉ង់ និងកន្លែងឆ្ងាយៗរួមជាមួយនឹងរោងចក្រនៅអាហ្វ្រិកខាងត្បូងមានចំនួនពាក់កណ្ដាលនៃរថយន្តចំនួន ២,៥៦ លានគ្រឿងដែលក្រុមហ៊ុននេះបានផលិតកាលពីឆ្នាំ ២០១៩។
ជុំវិញអឺរ៉ុបក្រុមហ៊ុនផលិតរថយន្តផ្សេងទៀតដែលរួមមាន Mercedes-Benz ជាក្រុមហ៊ុនមេរបស់ក្រុមហ៊ុន Daimler ក្រុមហ៊ុន Volkswagen ក្រុមហ៊ុន Ford ក្រុមហ៊ុន Fiat និងក្រុមហ៊ុន Peugeot បានបិទរោងចក្រដោយសារតែវិបត្តិកូវីដ១៩។
លោក Zipse អគ្គនាយកក្រុមហ៊ុន BMW បានថ្លែងថា៖ «ចំណែកខាងទំនិញជាច្រើនតម្រូវការរថយន្តនឹងធ្លាក់ចុះយ៉ាងខ្លាំង» ដោយសារតែវីរុសនេះ និងវិធានការទប់ស្កាត់ដែលជាប់ទាក់ទង។
រដ្ឋាភិបាលអាល្លឺម៉ង់មានច្បាប់រួចហើយ ដែលគ្រប់គ្រងលើសំណងសម្រាប់កម្មករដែលម៉ោងការងាររបស់ពួកគេត្រូវបានកាត់បន្ថយក្នុងអំឡុងមានវិបត្តិនេះ៕ LA
