ក្រុងសានហ្រ្វានស៊ីស្កូៈ ក្រុមហ៊ុន Facebook បានរាយការណ៍នៅថ្ងៃនេះថា ចំនួនអ្នកប្រើប្រាស់បណ្តាញសង្គមរបស់ខ្លួនបានកើនឡើង ប៉ុន្តែមានចំនួនតិចជាងការរំពឹងទុករបស់អ្នកវិភាគ។
ចំនួនអ្នកប្រើប្រាស់បណ្តាញសង្គម Facebook យ៉ាងហោចណាស់ម្តងក្នុងមួយខែ បានកើន ឡើង ១០ ភាគរយដល់ ២,២៧ ពាន់លាននាក់ ខណៈជាមធ្យមមនុស្សចំនួន ១,៤៩ ពាន់លានអ្នកបានប្រើប្រាស់បណ្តាញសង្គមមួយនេះជាប្រចាំថ្ងៃ ដែលកើនឡើង ៩ ភាគរយធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមក្រុមហ៊ុនដែលមានមូលដ្ឋាននៅរដ្ឋកាលីហ្វ័រញ៉ាមួយនេះ។
ក្រុមអ្នកវិភាគបានរំពឹងថា ក្រុមហ៊ុន Facebook នឹងមានអ្នកប្រើប្រាស់សកម្មប្រចាំខែចំនួន ២,២៩ ពាន់លាននាក់ និងជាមធ្យមមានមនុស្សចំនួន ១,៥១ ពាន់លាននាក់ប្រើប្រាស់ប្រចាំថ្ងៃ៕ AFP/KC