ក្រុងវីយែនៈ ក្រុមប្រទេសផលិតប្រេងដែលជាសមាជិករបស់អង្គការ OPEC ដ៏មានឥទ្ធិពល និងប្រទេសផលិតប្រេងជាសម្ព័ន្ធមិត្តរបស់ខ្លួនកាលពីថ្ងៃសុក្របានឈានដល់កិច្ចព្រមព្រៀងមួយ ដើម្បីកាត់បន្ថយផលិតកម្មប្រេងឆៅចំនួន ៥ សែនបារ៉ែលក្នុង ១ ថ្ងៃ ក្នុងគោលបំណងទប់ស្កាត់ការធ្លាក់ចុះតម្លៃដែលស្ថិតនៅក្រោមសម្ពាធដោយសារប្រេងបម្រុងដ៏ច្រើន និងការថមថយកំណើនសេដ្ឋកិច្ចពិភពលោក។
កិច្ចប្រជុំរបស់អង្គការ OPEC និងប្រទេសផលិតប្រេងផ្សេងទៀត (OPEC+) រួមបញ្ចូលទាំងរួមទាំងប្រទេសរុស្ស៊ីផងដែរ ដែលជាប្រទេសផលិតប្រេងឆៅធំទាំង ២ ក្នុងពិភពលោក និងមិនមែនជាសមាជិករបស់អង្គការ OPEC។
កិច្ចប្រជុំនេះបានបញ្ចប់ទៅជាមួយនឹងកិច្ចព្រមព្រៀងមួយដែលនឹងកាត់បន្ថយផលិតកម្មប្រេងដែលមានប្រសិទ្ធភាពចាប់ពីថ្ងៃទី ១ ខែមករា ទៅដែលកាត់បន្ថយទិន្នផលប្រេងឆៅចំនួន ១,៧ លានបារ៉ែល ក្នុងមួយថ្ងៃធៀបនឹងកម្រិតខែពីខែតុលា ឆ្នាំ ២០១៨ ពោលគឺមានន័យថា កាត់បន្ថយ ៥ សែនបារ៉ែលបន្ថែមទៀតពីកម្រិតដែលបានកាត់បន្ថយរួចនាពេលកន្លងមកចំនួន ១,២ លានបារ៉ែល។
ប្រទេសអារ៉ាប៊ីសាអ៊ូឌីត និងរុស្ស៊ីរួមគ្នាកាត់បន្ថយជិតពាក់កណ្តាលនៃបរិមាណកាត់បន្ថយបន្ថែមនេះ។
តម្លៃប្រេងពិភពលោកបានឡើងថ្លៃជាការឆ្លើយតបនឹង ការកាត់បន្ថយទិន្នផលប្រេងនេះដោយប្រេងឆៅ WTI និងប្រេងឆៅ Brent កើនឡើង ២ ភាគរយ៕ KC