.jpg)
ទិដ្ឋភាពកំពង់ផែក្នុងប្រទេសចិន។ រូបថត People's Daily
ក្រុងប៉េកាំងៈ ទំហំពាណិជ្ជកម្មបរទេសរបស់ប្រទេសចិន បានកើនឡើង ៩,៩ ភាគរយក្នុងរយៈពេលបីត្រីមាសដំបូងក្នុងឆ្នាំ ២០១៨ ធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមទិន្នន័យពីរដ្ឋបាលគយទូទៅកាលពីចុងសប្តាហ៍មុន។
ទំហំនាំចេញរបស់ប្រទេសនេះមានចំនួន ១១,៨៦ ពាន់ពាន់លានយន់ (១,៧១ ពាន់ពាន់លានដុល្លារ) ដែលកើនឡើង ៦,៥ ភាគរយក្នុងរយៈពេល ៩ ខែដំបូងនេះ ខណៈការនាំចូលបានកើនឡើង ១៤,១ ភាគរយធៀបនឹងរយៈពេលដូចគ្នាកាលពីឆ្នាំមុន ដល់ ១០,៤២ ពាន់ពាន់លានដុល្លារ។
ក្នុងពេលជាមួយគ្នានេះដែរ អតិរេកពាណិជ្ជកម្មរបស់ចិនបានកើនឡើងដល់ ១,៤៤ ពាន់ពាន់លានយន់ ដោយធ្លាក់ចុះ ២៨,៣ ភាគរយធៀបនឹងរយៈពេលដូចគ្នាកាលពីឆ្នាំមុន។
ការនាំចូលទំនិញសំខាន់ៗ កើនឡើងទាំងបរិមាណ និងតម្លៃក្នុងរយៈពេលបីត្រីមាសដំបូងនេះ។
ការនាំចូលប្រេងឆៅបានកើនឡើងដល់ ៣៣៦ លានតោន ឧស្ម័នធម្មជាតិបានកើនឡើង៥,៩ ភាគរយដល់ ៦៤,៧៨ លានតោន ប្រេងចម្រាញ់រួចបានកើនឡើង ៣៤ ភាគរយដល់ ២៤,៥៩ លានតោន និងទង់ដែងបានកើនឡើង ៩,៨ ភាគរយដល់ ៣,៩៩ លានតោន។
ការនាំចូលរ៉ែដែក និងសណ្តែកសៀងបានធ្លាក់ចុះ ១,៦ ភាគរយ និង ២ ភាគរយរៀងគ្នា មកនៅត្រឹម ៨០៣ លានតោន និង ៧០,០១ លានតោន៕ People’s Daily/KC
