.jpg)
លោក Jack Ma នៅពេលចូលរួមក្នុងពិព័រណ៍ CIIE ក្នុងទីក្រុងស៊ាងហៃ។ រូបថត AFP
ក្រុងស៊ាងហៃៈ លោកមហាសេដ្ឋី Jack Ma ដែលជាម្ចាស់ក្រុមហ៊ុន Alibaba បានថ្លែងថា សង្គ្រាមពាណិជ្ជកម្មរវាងសហរដ្ឋអាមេរិក និងប្រទេស ចិន គឺជា «រឿងឆ្កួតបំផុតនៅក្នុងពិភពលោក»។
ការថ្លែងរបស់លោកធ្វើងឡើងនៅពិព័រណ៍ពាណិជ្ជកម្មទំនិញនាំចូល CIIE ក្នុងទីក្រុងស៊ាងហៃ ដែលប្រទេសចិនបើកដំណើរការកាលពីថ្ងៃចន្ទ ជាផ្នែកមួយដើម្បីប្រឆាំងទៅនឹងការរិះគន់របស់បរទេសចំពោះគោលនយោបាយពាណិជ្ជកម្មរបស់ប្រទេសនេះ។
លោក Ma ដែលថ្មីៗនេះ បានលុបចោលការសន្យានាពេលកន្លងមករបស់លោកដើម្បីបង្កើតការងារ ១ លានកន្លែងនៅសហរដ្ឋអាមេរិក ដោយស្តីបន្ទោសសង្គ្រាមពាណិជ្ជកម្មដែលចាប់ផ្តើមដោយលោក ដូណាល់ ត្រាំ នោះ បានអត្ថាធិប្បាយយ៉ាងដូច្នេះនៅក្នុងការពិភាក្សាមួយនៅក្នុងពិព័រណ៍នេះ។
ដោយមិនលើកឡើងឈ្មោះរបស់លោក ត្រាំ លោក Ma បានមានប្រសាសន៍ថា៖ «សង្គ្រាមពាណិជ្ជកម្មជារឿងអាក្រក់បំផុតក្នុងពិភពលោកនេះ»។
លោកបន្ថែមថា៖ «ពាណិជ្ជកម្មគឺត្រូវបង្កើតសន្តិភាព។ ពាណិជ្ជកម្មគឺត្រូវប្រាស្រ័យទាក់ទងគ្នា គ្មានអ្នកណាម្នាក់អាចបញ្ឈប់ពាណិជ្ជកម្មសេរីបានឡើយ»៕ AFP/KC
