ក្រុងញូវយ៉កៈ ក្រុមពាណិជ្ជកម្មអាមេរិកបានឲ្យដឹងកាលពីថ្ងៃពុធថា អឺរ៉ុបបានផលិតរសជាតិមួយសម្រាប់ស្រាវីស្គីអាមេរិកក្នុងរយៈពេលមួយទសវត្សរ៍ចុងក្រោយ ប៉ុន្តែជម្លោះពាណិជ្ជកម្មបានកាត់បន្ថយ ការនាំចេញស្រារបស់អាមេរិកទៅកាន់តំបន់នេះ។
ទីក្រុងវ៉ាស៊ីនតោន និងទីក្រុងប្រ៊ុចសែលកំពុងស្ថិតក្នុងកណ្ដាលផ្លូវនៃជម្លោះពាណិជ្ជកម្មជាច្រើនដែលរួមបញ្ចូលទាំងពន្ធនាំចូលពិន័យរបស់អាមេរិកលើដែកថែប និងអាលុយមីញ៉ូម និងការសងសឹករបស់សហភាពអឺរ៉ុបកាលពីខែមិថុនា ឆ្នាំ ២០១៨ តាមរយៈការហូតពន្ធ ២៥ ភាគរយលើទំនិញអាមេរិកមួយចំនួន ជាពិសេសស្រា។
សមាគមក្រុមប្រឹក្សាផលិតស្រារបស់អាមេរិក (DISCUS) បានឲ្យដឹងថា ការហូតពន្ធនោះបានកាត់បន្ថយការនាំចេញស្រាវីស្គីអាមេរិកទៅកាន់អឺរ៉ុបកាលពីឆ្នាំមុន ដែលបានធ្លាក់ចុះ ២៧ ភាគរយ។
ការនាំចេញស្រាស្ពីរៀត (spi-rit) របស់អាមេរិកទូទាំងពិភពលោកបានធ្លាក់ចុះ ១៤ ភាគរយកាលពីឆ្នាំ ២០១៩។ នេះបើយោងតាមក្រុមប្រឹក្សានេះ។
ការចាប់អារម្មណ៍ជាថ្មីលើស្រា Kentucky Bourbons និងស្រាវីស្គី Tennessee ដែលមិនដូចស្រាវីស្គី Scotch ដែលផលិតចេញពីពោតបានជំរុញកំណើនស្រាស្ពីរៀត (spirits) ៥៥ ភាគរយក្នុងពេល ១០ ឆ្នាំចុងក្រោយនេះ។
លោក Chris Swonger ប្រធាន DISCUS បានឲ្យដឹងនៅក្នុងសេចក្ដីប្រកាសព័ត៌មានមួយថា៖ «ផលិតផលស្រាវីស្គីអាមេរិកដ៏អស្ចារ្យទាំងនេះដែលមានការកោតសរសើរនៃកន្លែងស្រាក្រឡុកពិភពលោកនោះ កំពុងជួបប្រទះការពិបាកស្ថិតក្រោមសម្ពាធនៃពន្ធនាំចូលសហភាពអឺរ៉ុប»។
ក្នុងគ្រាមានជម្លោះពាណិជ្ជកម្មផ្សេងទៀតជុំវិញការឧបត្ថម្ភធនរបស់អឺរ៉ុបដល់ក្រុមហ៊ុន Airbus អាមេរិកកាលពីខែតុលាបានហូតពន្ធ ២៥ ភាគរយ លើស្រាវីស្គីពីប្រទេស ស្កុតឡេន និងស្រាមកពីប្រទេស បារាំង និងអេស្ប៉ាញ។
មន្ដ្រីអាមេរិកឲ្យដឹងថា ពួកគេកំពុងពិចារណាលើការបង្កើនពន្ធនាំចូលរបស់ខ្លួនរហូតដល់ ១០០ ភាគរយ និងអាចពង្រីកបញ្ជីពិន័យ ដើម្បីបន្ថែមទំនិញពេញនិយមជាច្រើនដូចជាស្រាកូញ៉ាក់។ DISCUS រំពឹងថា សេចក្ដីសម្រេចចិត្តលើការបង្កើនពន្ធនោះនឹងធ្វើឡើងត្រឹមចុងសប្ដាហ៍នេះ។
លោកស្រី Christine LoCascio ប្រធានគោលនយោបាយសាធារណៈសម្រាប់ DISCUS បានថ្លែងថា DISCUS សង្ឃឹមថា ការបញ្ឈប់សង្គ្រាមពាណិជ្ជកម្មជាមួយចិន និងកិច្ចព្រមព្រៀងពាណិជ្ជកម្មដែលកែសម្រួលជាមួយប្រទេស កាណាដា និងប្រទេស ម៉ិកស៊ិក «នឹងបង្កើតសម្ទុះថ្មីសម្រាប់ការចរចាជាមួយសហភាពអឺរ៉ុបដែលនឹងបណ្ដាលឲ្យមានការលុបចោលជាបន្ទាន់នៃពន្ធនាំចូលសងសឹក»។
ការលក់ស្រានៅតែមានភាពល្អប្រសើរនៅអាមេរិកនៅឆ្នាំ ២០១៩ កើន ៥,៣ ភាគរយ ដល់ ២៩ ពាន់លានដុល្លារ។
ស្រាប្រភេទ Bourbons និងស្រាវីស្គីមកពីភាគខាងត្បូងអាមេរិកបានជំរុញកំណើនស្របជាមួយនឹងការកើនឡើងការលក់ស្រូវរ៉ៃ (rye) ស្រាស្កុត ស្រា tequila ស្រា mescal និងស្រាក្រឡុកស្រេច។
វិស័យនេះបន្តទទួលបានកំណើនចំណែកទីផ្សារធៀបនឹងស្រា និងស្រាបៀរ ហើយនៅពេលនេះមានចំនួន ៣៧,៨ ភាគរយ នៃទីផ្សារស្រាសរុបនៅអាមេរិក៕ LA