.jpg)
ប្រេសិតពិសេស US លោក Stephen Biegun (ឆ្វេង) ពិភាក្សាជាមួយសមភាគីកូរ៉េខាងត្បូងលោក Lee Do-hoon។ Yonhap
ក្រុងសេអ៊ូលៈ តំណាងពិសេសអាមេរិកប្រចាំនៅកូរ៉េខាងជើង លោក Stephen Biegun បានរៀបចំជំនួបជាមួយសមភាគីកូរ៉េខាងត្បូងរបស់លោក នៅក្រុងសេអ៊ូលកាលពីថ្ងៃពុធ ដើម្បីពិភាក្សាកិច្ចប្រឹងប្រែងរួមក្នុងការបន្តការចរចាជាមួយកូរ៉េខាងជើង អំពីបញ្ហានុយក្លេអ៊ែរនោះ។
ប្រេសិតពិសេសអាមេរិករូបនេះ បានជួបជាមួយ លោក Lee Do-hoon នៅក្រសួងការបរទេសនៃក្រុងសេអ៊ូល ដោយបានចាប់ផ្តើមកំណត់កាលបរិច្ឆេទជាផ្លូវការរបស់លោកអំពីកិច្ចប្រជុំជាបន្តបន្ទាប់មួយជាមួយក្រុមមន្ត្រីជាន់ខ្ពស់ក្រុងសេអ៊ូល នៅក្នុងនោះមានរដ្ឋមន្ត្រីបង្រួបបង្រួមលោក Kim Yeong-chul ដែរ។
ដំណើរទស្សនកិច្ចរបស់លោកបានធ្វើឡើង ខណៈសេចក្តីសន្និដ្ឋានសមយុទ្ធយោធារួមអាមេរិក-កូរ៉េខាងត្បូង ដែលបានលើកឡើងអំពីទិដ្ឋភាពនានា ដើម្បីចាប់ផ្តើមបន្តការចរចាកម្មវិធីអាវុធនុយក្លេអ៊ែរកម្រិតការងារឡើងវិញ រវាងក្រុងវ៉ាស៊ីនតោន និងក្រុងព្យុងយ៉ាង។
របបកុម្មុយនីស្ត បានរិះគន់យ៉ាងខ្លាំងចំពោះការធ្វើសមយុទ្ធនោះ ខណៈការហាត់សមនេះបានធ្វើឡើង ដើម្បីឈ្លានពានកូរ៉េខាងជើង ហើយមិនធ្វើការចរចាជាមួយអាមេរិកនោះទេ ដោយថែមទាំងបានបាញ់មីស៊ីលចម្ងាយជិតជាច្រើនគ្រាប់ចូលទៅក្នុងសមុទ្រខាងកើត ហើយបានប្រើវោហារស័ព្ទកាន់តែខ្លាំងឡើងប្រឆាំងកូរ៉េខាងត្បូងទៀតផង។
លោក Stephen Biegun និងលោក Lee Do-hoon ត្រូវបានគេរំពឹងថា នឹងធ្វើការសម្របសម្រួលអំពីគោលជំហរ និងយុទ្ធសាស្ត្រនានារបស់ក្រុមសម្ព័ន្ធមិត្តថា តើអាមេរិក និងកូរ៉េខាងត្បូង នឹងត្រូវធ្វើឲ្យមានការរីកចម្រើនដោយរបៀបណា នៅពេលចាប់ផ្តើមចរចាជាមួយកូរ៉េខាងជើង ជុំវិញការលុបបំបាត់អាវុធនុយក្លេអ៊ែរនៅឧបទ្វីបកូរ៉េនោះ៕ Yonhap/SK
