.jpg)
មេដឹកនាំគណបក្សប្រឆាំងលោក Juan Guaido ថ្លែងនៅក្នុងសភា។ រូបថត AFP
ក្រុងបាគីស៊ីមេតូៈ មេដឹកនាំបក្សប្រឆាំងប្រទេស វ៉េណេស៊ុយអេឡា លោក Juan Guaido កាលពីថ្ងៃអាទិត្យ បានការពារការសម្រេចចិត្តរបស់លោក ដើម្បីបញ្ជូនក្រុមគណៈប្រតិភូទៅកាន់ក្រុងអូស្លូ ដើម្បីចរចាជាមួយក្រុមអ្នកតំណាងរដ្ឋាភិបាលរបស់លោកប្រធានាធិបតី ម៉ាឌូរ៉ូ ដោយបានព្រមានក្រុមអ្នករិះគន់អំពីគ្រោះថ្នាក់ពីវិធានការនេះ ដែលក្លាយជាអ្នករួមគំនិតនៃ «អំពើផ្តាច់ការ» ជាមួយគូបដិបក្ខរបស់លោកនោះ។
លោក Guaido បានប្រាប់ទៅកាន់ក្រុមអ្នកគាំទ្ររាប់រយនាក់ នៅក្រុងបាគីស៊ីមេតូនៃរដ្ឋឡារ៉ាថា៖ «យើងត្រូវតែដើរតួនាទីជាក្រុមប្រឹក្សាភិបាល យើងត្រូវតែមានវត្តមានយ៉ាងសកម្មនៅគ្រប់ទីកន្លែងទាំងអស់»។
លោក Guaido បានថ្លែងនៅក្នុងគេហទំព័រធ្វីធឺរថា៖ «ចេញពីរដ្ឋឡារ៉ាទៅកាន់ប្រទេស ន័រវែស និងពីក្រុងការ៉ាកាសទៅកាន់ក្រុងវ៉ាស៊ីនតោន ការទាមទាររបស់យើង គឺនៅដូចមុនដដែល នរណាក៏ដោយក៏ចង់ឲ្យយើងដាក់សម្ពាធចេញតាមដងផ្លូវ ឬក្នុងឆាកអន្តរជាតិក្នុងគោលបំណង ដើម្បីបញ្ឈប់ការកាន់អំណាចរបស់លោក ម៉ាឌូរ៉ូ ដែរ ហើយបានក្លាយទៅជាអ្នករួមគំនិតរបស់ជនផ្តាច់ការនោះ»។
លោក Guaido ដែលបានទទួលស្គាល់ដោយអាមេរិក និងប្រទេសរាប់សិបទៀតថា ជាប្រធានាធិបតីបណ្តោះអាសន្នរបស់ប្រទេស វ៉េណេស៊ុយអេឡា បានថ្លែងកាលពីថ្ងៃសៅរ៍ថា គណៈប្រតិភូបក្សប្រឆាំងនឹងត្រូវដឹកនាំដោយអនុប្រធានសភា លោក Stalin Gonzalez និងអតីតអនុប្រធានលោក Gerardo Blyde។
រដ្ឋមន្ត្រីនៃក្រសួងទំនាក់ទំនងវ៉េណេស៊ុយអេឡា លោក Jorge Rodriguez និងអភិបាលរដ្ឋមីរ៉ាន់ដា លោក Hector Rodriguez បានធ្វើជាអ្នកតំណាងឲ្យរដ្ឋាភិបាលរបស់ លោកប្រធានាធិបតីសង្គមនិយម នីកូឡាស ម៉ាឌូរ៉ូ៕ AFP/SK
