.jpg)
lលោក Jose Noel Olano អានរបាយការណ៍សិទ្ធិមនុស្សប្រចាំឆ្នាំ។ AFP
ក្រុងឌូបៃៈ ក្រុមឃ្លាំមើលសិទ្ធិមនុស្ស (HRW) បានអំពាវនាវឲ្យកូវ៉ែតយល់ព្រមផ្តល់ការការពារសម្រាប់ពលករចំណាកស្រុក ខណៈគណៈប្រតិភូហ្វីលីពីន ១ ក្រុមគ្រោង ចូលអារ៉ាប់រួម កាលពីថ្ងៃព្រហស្បតិ៍ដើម្បីពិភាក្សាអំពីកំហឹងជុំវិញការចោទ ការរំលោភបំពានលើពលរដ្ឋហ្វីលីពីន។
ប៉ុន្តែក្រុមឃ្លាំមើលសិទ្ធិមនុស្ស ដែលមានមូលដ្ឋាននៅក្រុងញូវយ៉ក ក៏បានរិះគន់បម្រាមមួយដាក់ដោយពលរដ្ឋហ្វីលីពីនកាលពីសប្តាហ៍មុន ទៅលើក្រុម ជនចំណាកស្រុក ដែលចាកចេញទៅធ្វើការនៅកូវ៉ែតនោះ។
លោកប្រធានាធិបតី Rodrigo Duterte បានដាក់បម្រាមនោះ ជាការឆ្លើយតបទៅនឹងការសម្លាប់ស្រី្តបម្រើតាមផ្ទះហ្វីលីពីនម្នាក់ដែលសាកសពត្រូវបានរកឃើញនៅក្នុងទូក្លាស្សេនៅកូវ៉េតកាលពីដើមខែនេះ។
លោក Duterte បានបង្កជម្លោះការទូតជាមួយកូវ៉ែត ដោយការចោទប្រកាន់និយោជកអារ៉ាប់បានចាប់រំលោភពលករហ្វីលីពីនរបស់ពួកគេ និងបានបង្ខំឲ្យធ្វើការងារ ២១ ម៉ោងក្នុងមួយថ្ងៃ និងផ្តល់អាហារសំណល់ដល់ពួកគេ។
នៅក្នុងសេចក្តីថ្លែងការណ៍ចេញកាលពីល្ងាចថ្ងៃពុធនោះ អ្នកស្រាវជ្រាវសិទ្ធិស្ត្រីនៅមជ្ឈិមបូព៌ារបស់អង្គការ HRW លោក Rothna Begum បានថ្លែងថា៖ «កូវ៉ែត គួរតែប្រឈមនឹងកំហឹងជុំវិញការស្លាប់ជាច្រើនការវាយធ្វើបាប និងចាប់រំលោភ អ្នកធ្វើការក្នុងស្រុក ដោយការចាត់វិធានការបន្ទាន់ ដើម្បីកែទម្រង់ប្រព័ន្ធតាមដានពលករ»។
ប្រព័ន្ធតាមដានពលករជាទូទៅមាននៅក្នុងបណ្តារដ្ឋឈូងសមុទ្រ ដែលសម្បូរប្រេង ភ្ជាប់ទិដ្ឋាការរបស់ពលករទៅនឹងនិយោជករបស់ពួកគេ ដោយហាមពលករមិនឲ្យចាកចេញ ឬ ប្តូរការងារដោយគ្មានការព្រមព្រៀងជាមុន៕
