.jpg)
ប៉ូលិសបង្ក្រាបកុបកម្មបូលីវី ចាប់ខ្លួនក្រុមអ្នកគាំទ្រលោក មូរ៉ាល់ស៍ នៅក្នុងទីក្រុង Sacaba។AFP
ក្រុងឡាប៉ាស៖ មន្ត្រីម្នាក់បានថ្លែងកាលពីថ្ងៃអាទិត្យថា ដោយរងការប៉ះពាល់ដោយអំពើហិង្សាតាមដងផ្លូវការកង្វះស្បៀងអាហារនោះ ប្រេសិតពិសេសម្នាក់របស់អង្គការសហប្រជាជាតិ កំពុងជំរុញឲ្យប្រធានាធិបតីបណ្តោះអាសន្នស្វ័យប្រកាសប្រទេស បូលីវី និងក្រុមអ្នកគាំទ្ររបស់មេដឹកនាំដែលបាននិរទេសខ្លួនឯង គឺលោក អ៊ីវ៉ូ មូរ៉ាល់ស៍ ចាប់ផ្តើមចរចាជុំវិញការដោះស្រាយវិបត្តិមួយដោយសន្តិវិធី ដែលបានបណ្តាលឲ្យមនុស្ស ២៣ នាក់ស្លាប់។
រដ្ឋមន្ត្រីរបស់ប្រធានាធិបតីលោក Jerjes Justiniano បានថ្លែងថា ការចរចាដែលត្រូវបានស្នើឡើងដោយប្រេសិតពិសេស គឺលោក Jean Arnault នឹងជាប់ពាក់ព័ន្ធជាមួយក្រុមសមាជិកសភាមកពីគណបក្សនយោបាយរបស់លោក មូរ៉ាល់ស៍ ជាក្រុមរួបរួមគ្នា និងក្រុមតំណាងរបស់មេដឹកនាំបណ្តោះអាសន្ន គឺលោកស្រី Jeanine Anez នឹងត្រូវបានសម្របសម្រួលដោយអង្គការសហប្រជាជាតិ និងព្រះវិហារកាតូលិកក្រុងរ៉ូម។ មិនមានកាលបរិច្ឆេទច្បាស់លាស់ត្រូវបានកំណត់ ដើម្បីកិច្ចពិភាក្សានោះនៅឡើយទេ។
លោកស្រី Anez ដែលបានប្រកាសខ្លួនឯងថា ជាប្រធានាធិបតី ក្រោយពីលោក មូរ៉ាល់ស៍ បានលាលែងពីតំណែងកាលពីថ្ងៃទី ១០ ខែវិច្ឆិកា ក្រោយពីមានការតវ៉ាអស់ជាច្រើនសប្តាហ៍ប្រឆាំងលោក មូរ៉ាល់ស៍ ជុំវិញជម្លោះលទ្ធផលឆ្នោតនោះ បានថ្លែងថា អាទិភាពរបស់លោកស្រីគឺធ្វើឲ្យប្រទេស បូលីវី មានសន្តិភាព និងរៀបចំឲ្យមានការបោះឆ្នោតថ្មីនៅក្នុងរយៈពេល ៣ ខែទៀត។
ក្រុមអ្នកគាំទ្ររបស់លោក មូរ៉ាល់ស៍ ដែលបានចេញតាមដងផ្លូវ ក្រោយពីលោកបានលាលែងពីតំណែង ស្ថិតនៅក្រោមសម្ពាធពីយោធានោះ គឺកំពុងទាមទារឲ្យមេដឹកនាំវិលត្រឡប់មកវិញ ដែលជាប្រធានាធិបតីដំបូងរបស់ប្រទេស បូលីវី។
ការប៉ះទង្គិចគ្នាកាលពីថ្ងៃសុក្រ បានបង្កឲ្យក្រុមកសិករដាំដើមកូកាដែលបានគាំទ្រលោក មូរ៉ាល់ស៍ ៩ នាក់ស្លាប់ ហើយបានឈានទៅរកការដាក់ឱសានវាទមួយ ចេញពីក្រុមអ្នកតវ៉ាឲ្យលោកស្រី Anez ចុះចេញពីតំណែង និងដកកងកម្លាំង ដែលបានកំពុងរាំងខ្ទប់ពួកគេមិនឲ្យចូលទៅក្នុងកណ្តាលទីក្រុងកូចាបាមម៉ានៅជិតទីក្រុងសាកាបានោះចេញ។
យោងតាមការិយាល័យប្រធានាធិបតីបូលីវីបានឲ្យដឹងថា មនុស្សយ៉ាងតិច ២៣ នាក់ស្លាប់ តាំងពីវិបត្តិនេះបានផ្ទុះឡើង៕ Yahoo News/SK
