ក្រុងវ៉ាស៊ីនតោនៈ ប្រព័ន្ធផ្សព្វផ្សាយអាមេរិក បានធ្វើការរាយការណ៍កាលពីថ្ងៃពុធថា ក្រសួងយុត្តិធម៌អាមេរិកបានបើកការស៊ើបអង្កេតថា តើធនាគារ Deutsche ជាធនាគារផ្តល់ប្រាក់កម្ចីធំបំផុតរបស់ប្រទេស អាល្លឺម៉ង់ បានបំពានច្បាប់ហិរញ្ញវត្ថុបរទេសក្នុងការធ្វើការងារឲ្យក្រុមហ៊ុន 1MDB ដែរ ឬយ៉ាងណា?
កាសែត Wall Street Journal បានរាយការណ៍ឲ្យដឹងថា ក្រសួងយុត្តិធម៌កំពុងត្រួតពិនិត្យមើលថា តើធនាគារ Deutsche Bank នោះបានប្រព្រឹត្តអំពើពុករលួយនៅបរទេស ឬល្មើសច្បាប់ប្រឆាំងការលាងលុយកខ្វក់ តាមរយៈធ្វើការងាររបស់ខ្លួនឲ្យក្រុមហ៊ុន 1MDB ដែលនៅក្នុងនោះមានទាំងការជួយឲ្យមូលនិធិម៉ាឡេស៊ី កើនទឹកប្រាក់ចំនួន ១,២ ពាន់លានដុល្លារ នៅឆ្នាំ ២០១៤ ខណៈមានការព្រួយបារម្ភអំពីការគ្រប់គ្រងហិរញ្ញវត្ថុរបស់ខ្លួន បានចាប់ផ្តើមត្រូវគេលាតត្រដាងនោះ។
ចំនួនទឹកប្រាក់រាប់ពាន់លានដុល្លារ ត្រូវបានលួចពីការវិនិយោគលើរថយន្តនៅរវាងឆ្នាំ ២០០៩ និង ២០១៤ ហើយប្រាក់ចំណូលបានពីការវិនិយោគនាវាកម្សាន្តដ៏ទំនើបជាច្រើន បានចំណាយទៅលើអ្វីៗទាំងអស់ ដូចជាទិញរូបចម្លាក់ដែលមានតម្លៃថ្លៃផងដែរ នៅក្នុងការជាប់ពាក់ព័ន្ធនឹងការកិបកេងប្រាក់ដែលរងការចោទប្រកាន់គួរឲ្យអាម៉ាស់របស់អតីតនាយករដ្ឋមន្ត្រីម៉ាឡេស៊ីលោក ណាជីប រ៉ាហ្សាក់ និងបក្ខពួករបស់លោកផងនោះ។
ការស៊ើបអង្កតទៅលើធនាគារ Deutsche Bank ត្រូវបានជួយជ្រោមជ្រែងពីអតីតបុគ្គលិកម្នាក់៕ AFP/SK