ខេត្តណារ៉ាធីវ៉ាត់ៈ ប៉ូលិសបានរាយការណ៍ថា កងកម្លាំងចម្រុះថៃបានបើការវាយប្រហារលើជំរំជនសកម្មប្រយុទ្ធមូស្លីមក្រោយការប៉ះទង្គិចប្រដាប់អាវុធតគ្នានៅក្នុងស្រុករ៉ាង៉ែរ កាលពីព្រឹកថ្ងៃអាទិត្យ។
ការប៉ះទង្គិចនោះ បានកើតឡើងនៅម៉ោងប្រហែល ១០ ព្រឹក ក្រោយពីកងកម្លាំងរដ្ឋាភិបាលដែលត្រូវបានដឹកនាំកងកម្លាំងមេព្រៃទី៤៥ ត្រូវបានដាក់ពង្រាយជាបីក្រុមដើម្បីល្បាតជួរភ្នំខៅតាវ៉េនៅក្បែរភូមិបានហេនៃឃុំតាបូន។
ការដាក់ពង្រាយនោះ បានកើតឡើង បន្ទាប់ពីមានព័ត៌មានថា ក្រុមជនសកម្មប្រយុទ្ធប្រដាប់ដោយអាវុធមួយក្រុម ដែលត្រូវបានដឹកដោយឈ្មោះ AbdullohBula និងឈ្មោះ Muhammad Kadir ប្រចាំតំបន់នោះដើម្បីរៀបចំជំនួបមួយដើម្បីរៀបចំផែនការវាយប្រហារភេរវកម្មជាច្រើនកន្លែង។
ក្រុមមួយក្នុងក្រុមត្បាតទាំងបីក្រុមនោះ បានជួបបុរសប្រដាប់មួយក្រុមមានគ្នា ៨ នាក់ អង្គុយនៅក្នុងជំរំមួយ។ ភ្លាមៗនោះក្រុមត្បាត២ទៀតត្រូវបានហៅមកឲ្យជួយ។ ពួកគេបានធ្វើការឡោមព័ទ្ធជំរំនោះហើយបានផ្តល់សញ្ញាឲ្យក្រុមជនសកម្មប្រយុទ្ធនោះប្រគល់ខ្លួន។
ការបាញ់តគ្នារវាងភាគីទាំង ២ បានកើតឡើង និងមានរយៈពេលប្រហែល ១០ នាទី។ ក្រុមជនសកម្មប្រយុទ្ធនោះ បានខិតខំប្រឹងប្រែងទម្លាយឡោមព័ទ្ធហើយរត់គេចខ្លួនបាត់៕ BKP/PSA