.jpg)
ក្រុមកម្មករផ្លូវដែក ធ្វើការប្រមូលផ្តុំទាមទារសុំដំឡើងប្រាក់ខែ នៅស្ថានីយ Daejeon។ Yonhap
ក្រុងសេអ៊ូល៖ សហជីពកម្មករផ្លូវដែក បានថ្លែងកាលពីថ្ងៃអាទិត្យថា ក្រុមកម្មករផ្លូវដែករបស់កូរ៉េខាងត្បូងនឹងធ្វើកូដកម្មទ្រង់ទ្រាយធំមួយនៅសប្តាហ៍ក្រោយ ដើម្បីទាមទារសុំដំឡើងប្រាក់ខែ និងកម្លាំងការងារបន្ថែមទៀត។
សហជីពកម្មករផ្លូវដែកកូរ៉េខាងត្បូង បានថ្លែងថា ក្រុមកម្មករសហជីពរបស់ខ្លួន នឹងចាត់វិធានការទៅលើឧស្សាហកម្មមួយ សម្រាប់រយៈពេលនៃការចាប់ផ្តើមគ្មានកំណត់មួយនៅថ្ងៃពុធខាងមុខនេះ ដោយបានទាមទារបន្ថែមរបស់ក្រុមកម្មករចំនួន ៤ ០០០ នាក់ និងសុំដំឡើងប្រាក់ខែមូលដ្ឋាន ៤ ភាគរយបន្ថែមទៀត។
ប្រសិនបើសហជីពផ្លូវដែកធ្វើកូដកម្មទ្រង់ទ្រាយធំមួយថា ជាគម្រោងធ្វើឡើងនៅសប្តាហ៍ក្រោយ ខ្លួននឹងចាត់វិធានការទៅលើឧស្សាហកម្មគ្មានកំណត់មួយសម្រាប់លើកដំបូង ចាប់តាំងពីបានធ្វើកូដកម្មរយៈពេល ៧៤ ថ្ងៃរបស់ខ្លួន ចាប់ពីខែកញ្ញាដល់ខែធ្នូកាលពីឆ្នាំ ២០១៦។
ក្រុមកម្មករផ្លូវដែកកូរ៉េខាងត្បូង (KORAIL) និងសហជីពរបស់ខ្លួនមានជម្លោះជុំវិញប្រាក់ខែ និងការបង្ខំឲ្យធ្វើការហួសកម្លាំងនៅក្នុងឆ្នាំនេះ និងការចរចាឲ្យមានកិច្ចព្រមព្រៀងរួមគ្នាមួយ។
ក្រុមកម្មករផ្លូវដែកកូរ៉េខាងត្បូង KORAIL ប្រហែល ១ ៨០០ នាក់ នឹងយល់ព្រមឲ្យមានក្រុមមួយមានគ្នា ៤ នាក់ ដែលជាប្រព័ន្ធផ្លាស់ប្តូរ ២ នៅឆ្នាំក្រោយ ប៉ុន្តែសហជីពបានអំពាវនាវឲ្យបន្ថែមកម្មករ ៤ ០០០ នាក់ ដើម្បីដំណើរការប្រព័ន្ធនេះ។
សហជីពបានប្រកាសថា នឹងមិនមានការចរចាច្រើនទៀតនោះទេនៅឆ្នាំនេះ ក្រោយពីបានបរាជ័យមិនបានដោះស្រាយជាមួយក្រុមហ៊ុន ជុំវិញប្រាក់ខែនៅក្នុងការពិភាក្សាដែលបានធ្វើឡើងកាលពីខែសីហា។ ក្រុមកម្មករបានឯកភាពគ្នានឹងធ្វើកូដកម្មក្នុងការបោះឆ្នោតមួយបានធ្វើឡើងកាលពីសប្តាហ៍មុននេះ៕ Yonhap/SK
