ក្រុងកាមីស្ហលីៈ កងកម្លាំងដឹកនាំដោយឃើដគាំទ្រដោយក្រុមចម្រុះប្រឆាំងក្រុមជីហាដនិយមដឹកនាំដោយអាមេរិក បាននិយាយកាលពីថ្ងៃអាទិត្យថា ខ្លួន បានបន្តការវាយប្រហាររបស់ខ្លួនប្រឆាំងនឹងក្រុមរដ្ឋអ៊ិស្លាម (IS) នៅស៊ីរីភាគខាងកើត។
កងកម្លាំងប្រជាធិបតេយ្យស៊ីរី (SDF) ជាសម្ព័ន្ធមិត្តអារ៉ាប់-ឃើដ បានប្រកាសថា ខ្លួន បានផ្អាកកិច្ចប្រតិបត្តិការរបស់ខ្លួនកាលពីថ្ងៃទី ៣១ ខែតុលា ក្រោយពីតួកគី បានធ្វើការវាយប្រហារទៅលើប៉ុស្តិ៍របស់ជនសកម្មប្រយុទ្ធឃើដនៅស៊ីរីភាគខាងជើង។
SDF បាននិយាយថា ការបន្តការវាយប្រហារនេះ បានកើតឡើង បន្ទាប់ពីមានការទំនាក់ទំនងយ៉ាងតឹងតែងជាមួយក្រុមចម្រុះអន្តរជាតិ និងសកម្មភាពការទូតដ៏ខ្លំាងក្លា ដើម្បីបន្ធូរបន្ថយវិបត្តិនេះ។
នៅក្នុងសេចក្តីថ្លែងការណ៍មួយ កងកម្លាំងនោះ បាននិយាយថា៖ «មេដឹកនាំនៃក្រុងកម្លាំងប្រជាធិបតេយ្យស៊ីរី បានសម្រចចិត្តមិនបន្តកិច្ចប្រតិបត្តិការយោធាប្រធាំងនឹងក្រុមរដ្ឋអ៊ិស្លាមទេ»៕ PSA