.jpg)
អ្នកតវ៉ាស្លៀកពាក់ជាសាន់តា ក្លូស ឈរនៅក្បែរប៉ូលិសប្រឆាំងកុបកម្ម។ AFP
ក្រុងប៉ារីសៈ ក្រុមអ្នកតវ៉ា «អាវកាក់ពណ៌លឿង» ដ៏រឹងទទឹង បានប្រឈមមុខជាមួយប៉ូលិសរាប់ម៉ឺននាក់នៅទូទាំងប្រទេសបារាំងកាលពីថ្ងៃសៅរ៍ប៉ុន្តែកម្លាំងនៃចលនាតវ៉ានោះ បានថយចុះសប្តាហ៍ទី ៥ នេះ។
លោកប្រធានាធិបតី អេម៉ានុយអែល ម៉ាក្រុង ដែលកំពុងប្រឈមមុខនៃវិបត្តិធំបំផុតនៅក្នុងតំណែងប្រធានាធិបតីរបស់លោក បានធ្វើការប្រកាសសម្បទានជាបន្តបន្ទាប់ កាលពីថ្ងៃចន្ទ ដើម្បីទប់ស្កាត់ការផ្ទុះវិបត្តិ «អាវកាក់ពណ៌លឿង» ដែលអាចរីកធំឡើងចេញពីទីជនបទ និងនៅតាមទីប្រជុំជន តូចៗទូទាំងប្រទេសបារាំងចាប់តាំងពីខែវិច្ឆិកាមក។
វិធានការពន្ធ និងប្រាក់ឈ្នួល អប្បបរមាសម្រាប់កម្មករដែលមានប្រាក់ចំណូលទាប បានចូលរួមធ្វើបាតុកម្មយ៉ាងស្វិតស្វាញនៅសប្តាហ៍នេះ បានបង្ហាញពីភាពស្ងប់ស្ងាត់នៅក្នុងប្រទេសនេះ ក្រោយពីមានការប៉ះទង្គិចគ្នា។
ប្រទេសបារាំង បានរងការវាយប្រហារភេរវកម្មបណ្តាលឲ្យមនុស្សស្លាប់កាលពីយប់ថ្ងៃអង្គារកន្លងទៅ នៅពេលខ្មាន់កាំភ្លើងម្នាក់បានបើកការវាយប្រហារទៅលើផ្សារលក់ ទំនិញសម្រាប់បុណ្យណូអែលនៅក្រុងស្ត្រាសប៊ឺស ដោយបង្កឲ្យមនុស្ស ៤ នាក់ ស្លាប់ ហើយរដ្ឋាភិបាល បានជំរុញឲ្យប្រជាជនទាំងអស់ស្នាក់នៅក្នុងផ្ទះ ដើម្បីងាយស្រួលសម្រាប់កងកម្លាំងសន្តិសុខធ្វើការ។
លោករដ្ឋមន្ត្រីមហាផ្ទៃ Christophe Castaner បានថ្លែងកាលពីថ្ងៃសៅរ៍ថា មនុស្ស ៨ នាក់ បានស្លាប់នៅក្នុងឧប្បត្តិហេតុទាក់ទងទៅនឹងការតវ៉ា ហើយអំពាវនាវឲ្យក្រុមអ្នកតវ៉ាទាំងអស់បញ្ឈប់ការបិទផ្លូវនៅទូទាំងប្រទេស។
លោក បានថ្លែងថា៖ «ដើម្បី សុវត្ថិភាពរបស់អ្នកទាំងអស់គ្នា អ្នកត្រូវតែគោរពច្បាប់ ជាដាច់ខាត»៕
