.jpg)
សមាជិកសន្តិសុខឈរយាមនៅខាងក្រៅកន្លែងគោរពបូជា St.Anthony នៅក្រុងកូឡុំបូនៅថ្ងៃទី ២២ ខែ មេសា។ AFP
ក្រុងនីហ្គោមបូៈ មនុស្សជាង ២៩០ នាក់ ត្រូវបានគេដឹងថា បានបាត់បង់ជីវិតនៅក្នុងការបំផ្ទុះគ្រាប់បែកជាបន្តបន្ទាប់មួយដែលបានវាយប្រហារទៅលើព្រះវិហារ និងសណ្ឋាគារប្រណិតៗជាច្រើនកន្លែងនៅស្រីលង្កា នៅក្នុងអំពើហិង្សាដ៏អាក្រក់បំផុត ដែលបានវាយប្រហារទៅលើកោះនេះ ចាប់តាំងពីសង្គ្រាមស៊ីវិលដែលបានបំផ្លិចបំផ្លាញនៅក្នុងប្រទេសរបស់ខ្លួន បានបញ្ចប់អស់មួយទសវត្សរ៍មកនេះ។
ជាក់ស្តែងណាស់ តាមការរៀបចំឲ្យមានការបំផ្ទុះ ៨ កន្លែងដែលយកក្រុមអ្នកគោរពបូជាខាងសាសនាគ្រិស្តនិងសណ្ឋាគារល្បីៗជាច្រើនកន្លែង រួមជាមួយភ្ញៀវអន្តរជាតិមួយចំនួន ជាគោលដៅវាយប្រហារ។
មនុស្សយ៉ាងតិច ២៩០ នាក់ បានស្លាប់ នៅក្នុងចំណោមពួកគេមានជនបរទេសរាប់សិបនាក់ផងដែរ។
ប៉ូលិសបានថ្លែងថា គ្រាប់បែកឆ្នៃមួយគ្រាប់ដែលបានរកឃើញនៅឯប្រលានយន្តហោះដ៏សំខាន់មួយ នៅក្រុងកូឡុមបូត្រូវបានគេដោះចេញហើយកាលពីល្ងាចថ្ងៃអាទិត្យ៕ SK
