.jpg)
ក្មេងប្រុសម្នាក់ គ្រវីទង់ជាតិអាហ្វហ្គានីស្ថាន ដើម្បីប្រារព្ធខួប១០០ឆ្នាំនៃទិវាឯករាជ្យរបស់ប្រទេសនេះ។ AFP
ក្រុងចាឡាឡាបាដៈ ថ្ងៃបុណ្យឯករាជ្យរបស់ប្រទេសអាហ្វហ្គានីស្ថាន បានក្លាយទៅជាថ្ងៃបង្ហូឈាមគួរឲ្យរន្ធត់កាលពីថ្ងៃចន្ទ នៅពេលមានការផ្ទុះគ្រាប់បែកជាបន្តបន្ទាប់ បានធ្វើឲ្យរញ្ជួយក្រុងចាឡាឡាបាដរបស់អាហ្វហ្គានីស្ថាននៅភាគខាងកើត ដោយបានបណ្តាលឲ្យមនុស្សរាប់សិបនាក់រងរបួសនៅក្នុងនោះមានក្មេងៗដែរ។
ក្រុមអាជ្ញាធរបាននិយាយថា ការផ្ទុះមិនលើស ១០ ដង ត្រូវបានគេរាយការណ៍នៅក្នុងនិងនៅជុំវិញក្រុងនៅក្នុងខេត្តណាងហ្គាហារ ហើយចំនួនអ្នកស្លាប់ និងរងរបួស ទំនងជាកើនឡើង។
អ្នកនាំពាក្យអភិបាលខេត្តណាងហ្គាហារលោក Attaullah Khogyani បានថ្លែងថា៖ «ការផ្ទុះនោះ បានបង្កឡើងដោយគ្រាប់បែកឆ្នៃ (IEDs) នៅក្នុងកន្លែងខុសៗគ្នានៃទីក្រុងនោះ ខណៈក្រុមមនុស្ស កំពុងប្រារព្ធថ្ងៃបុណ្យឯករាជ្យអាហ្វហ្គានីស្ថាន» ដោយបានថ្លែងសំដៅទៅលើគ្រាប់បែកឆ្នៃ IEDនោះ។
ក្រុងចាឡាឡាបាដ គឺជាកន្លែងវាយប្រហារបំផ្ទុះគ្រាប់គ្រាប់បែកជាបន្តបន្ទាប់ និងឡោមព័ទ្ធទៅដោយទីតាំងទឹកដីភូមិសាស្ត្រ មានទាំងក្រុមយុទ្ធជនសកម្មប្រយុទ្ធតាលីបង់ និងក្រុមរដ្ឋអ៊ិស្លាម៕ SK
