ក្រុងបេរូតៈ ក្រុមឃ្លាំមើលសិទ្ធិមនុស្សបានថ្លែងថា ជនស៊ីវិលម្នាក់បានស្លាប់នៅក្នុងការប៉ះទង្គិចគ្នាកាលពីថ្ងៃអាទិត្យ រវាងក្រុមអ្នកតវ៉ានិងប៉ូលិសនៅក្នុងទីក្រុងអាល់-បាប់ ជាទីក្រុងមួយនេះ ដែលត្រូវបានគ្រប់គ្រងដោយកងកម្លាំងគាំទ្រក្រុងអង់ការ៉ានៅស៊ីរីភាគខាងជើង។
ក្រុមឃ្លាំមើលសិទ្ធិមនុស្សស៊ិរីមានមូលដ្ឋាននៅអង់គ្លេសបានថ្លែងថា ការស្លាប់នោះបានកើតឡើង ខណៈហ្វូងមនុស្សបានស្រែកតវ៉ាឈានដល់ការចាប់ខ្លួនបុរសម្នាក់ដែលជាជនសង្ស័យជាប់ពាក់ព័ន្ធនៅក្នុងការវាយប្រហារ បណ្តាលឲ្យមនុស្សស្លាប់ដែលបានកើតឡើងកាលប៉ុន្មានថ្ងៃកន្លងទៅនោះ។
ក្រុមឃ្លាំមើលសិទ្ធិមនុស្ស បានរាយការណ៍ថា ការបំផ្ទុះរថយន្តមួយកាលពីថ្ងៃសៅរ៍ បានបង្កឲ្យមនុស្ស ១៩ នាក់ស្លាប់ ១៣ នាក់ ក្នុងចំណោមពួកគេជាជនស៊ីវិលនៅពេលគ្រាប់បែកនោះ បានវាយប្រហារទៅលើរថយន្តក្រុង និងស្ថានីយរថយន្តតាក់ស៊ីមួយកន្លែងនោក្នុងក្រុងអាល់-បាប់ ចម្ងាយប្រហែល ៣០ គីឡូម៉ែត្រ ពីទីក្រុងអាឡិបប៉ូភាគឦសាន។
ការវាយប្រហារនោះ បានបណ្តាលឲ្យមនុស្ស ៣៣ នាក់រងរបួស ហើយមួយចំនួនក្នុងចំណោមពួកគេ បានរងរបួសយ៉ាងធ្ងន់ធ្ងរ៕ SK