.jpg)
កងកម្លាំងគាំទ្ររដ្ឋាភិបាល ជួបជុំគ្នានៅជាយក្រុងហូដេដាភាគខាងកើត ខណៈពួកគេ បន្តការប្រយុទ្ធ ដើម្បីដណ្តើមក្រុងនេះពីក្រុមឧទ្ទាមហ៊ូធី កាលពីថ្ងៃទី១០ ខែវិច្ឆិកា ឆ្នាំ២០១៨។ AFP
ក្រុងហូដេដាៈ ប្រភពគ្រូពេទ្យ និងយោធា បានឲ្យដឹងនៅថ្ងៃចន្ទនេះថា មនុស្សយ៉ាងតិច១៤៩ នាក់ បានស្លាប់នៅក្នុងការប៉ះទង្គិចគ្នារយៈពេល ២៤ម៉ោង នៅក្នុងក្រុងកំពង់ផែហូដេដានៃប្រទេសយេម៉ែន ខណៈសម្ពាធអន្តរជាតិទាមទារឲ្យមានបទឈប់បាញ់មួយ កាន់តែកើនឡើង។
ក្រុមអ្នកស្មោះត្រង់រដ្ឋាភិបាលគាំទ្រដោយក្រុមចម្រុះដឹកនាំដោយអារ៉ាប៊ី សាអ៊ូឌីត កំពុងប្រយុទ្ធគ្នា ដើម្បីបណ្តេញក្រុមឧទ្ទាមហ៊ូធី ចេញពីក្រុងសមុទ្រក្រហម ដែល កំពង់ផែរបស់ខ្លួន ផ្តល់ជម្រកដល់ពលរដ្ឋយេម៉ែនរហូតដល់ទៅ ១៤លាននាក់ ដែលប្រឈមនឹងការអត់ឃ្លានយ៉ាងខ្លាំងនោះ។
ប្រភពមួយនៅក្នុងក្រុមចម្រុះគាំទ្ររដ្ឋាភិបាល បានឲ្យដឹងថា ក្រុមអ្នកបះបោរ បានធ្វើការវាយបកទៅលើកំពង់ផែកាន់កាប់ដោយក្រុមឧទ្ទាមនោះ។
កងកម្លាំងរដ្ឋាភិបាល បានវាយប្រហារបើកផ្លូវ ដើម្បីចូលទៅកំពង់ផែហូដេដាកាន់កាប់ដោយក្រុមឧទ្ទាម ក្រោយពីការប៉ះទង្គិច១១ថ្ងៃ ដោយបានទៅដល់សង្កាត់ លំនៅឋានជាច្រើននៅភាគខាងកើតកាលពីថ្ងៃអាទិត្យ ដោយបានបង្កឲ្យមានការភ័យខ្លាចការប្រយុទ្ធគ្នានៅតាមដងផ្លូវ ដែលនឹងបង្កគ្រោះថ្នាក់ដល់ក្រុមជនស៊ីវិល ដែលជាប់នៅក្នុងក្រុងនេះ៕ PSA
