.jpg)
បុរសអុីស្រាអែលរុំទង់ជាតិអាមេរិកច្រកចូលក្រុងដាម៉ាសនៅក្នុងក្រុងហ៊្សេរុយសាឡិមកាលពីថ្ងៃទី ១៣ ឧសភា។ AFP
ក្រុងហ្ស៊េរុយសាឡិមៈ ការប៉ះទង្គិចដោយហិង្សា បានផ្ទុះឡើងនៅតាមបណ្តោយព្រំដែនតំបន់ហ្គាហ្សានៅប៉ុន្មានម៉ោងមុនបើកស្ថានទូតអាមេរិកក្នុងក្រុងហ្ស៊េរុយសាឡិម កាលពីថ្ងៃចន្ទ បណ្តាលឲ្យជនប៉ាឡេស្ទីន ១៦ នាក់ស្លាប់ ដោយសារមានការបាញ់ចេញពីអ៊ីស្រាអែល និងមនុស្សរាប់រយនាក់ រងរបួស។
គណៈប្រតិភូសេតវិមាននិងក្រុម ក្រុមមន្ត្រីអ៊ីស្រាអែល បានជួបជុំគ្នាដើម្បី សម្ពោធទីតាំងស្ថានទូតថ្មីកាលពីរសៀលថ្ងៃចន្ទ ក្រុមពលរដ្ឋប៉ាឡេស្ទីន ត្រូវបានគេរំពឹងថា នឹងធ្វើការតវ៉ា ដោយចំនួនដ៏ច្រើនលើសលប់នៅព្រំដែនតំបន់ហ្គាហ្សាជាប់អ៊ីស្រាអែល និងទំនងជាប្រារព្ធធ្វើឡើងនៅកន្លែងផ្សេងទៀត។
ក្រុមពលរដ្ឋប៉ាឡេស្ទីន រាប់រយនាក់ បានប្រមូលផ្តុំជាស្រេចនៅក្នុងតំបន់ហ្គាហ្សាកាលពីព្រឹកថ្ងៃចន្ទ និងមានការត្រៀមខ្លួនជាស្រេច។ គំនរកង់ឡាន កំពុងត្រូវបានដឹកជញ្ជូនទៅកាន់តំបន់ព្រំដែន ដើម្បីបង្កើតភាពភ្ញាក់ផ្អើល ហើយរថយន្តក្រុងជាច្រើនគ្រឿងដឹកជញ្ជូនក្រុមបាតុករពីទីក្រុងទៅកាន់តំបន់ព្រំដែន។
មានក្តីកង្វល់ជាច្រើនដែលថា ការប្រឆាំងតវ៉ាក្នុងតំបន់ហ្គាហ្សា មានចម្ងាយតិចជាង ១០០ គីឡូម៉ែត្រ នឹងប្រែក្លាយទៅជារឿងស្លាប់រស់ ប្រសិនបើប៉ាឡេស្ទីន មានបំណងបំផ្លិចបំផ្លាញ ឬ ឆ្លងរបងជាមួយក្រុមអ្នកបាញ់ស៊ីបអ៊ីស្រាអែលដែលឈរជើងនៅផ្នែកម្ខាង ទៀតនោះ។
ការបើកសម្ពោធទីតាំងស្ថានទូតថ្មី ដែលត្រូវបានធ្វើឡើង បន្ទាប់ពីត្រាំប្រកាសទទួលស្គាល់ក្រុងនេះ ជារដ្ឋធានី របស់អ៊ីស្រាអែល កាលពីថ្ងៃទី ៦ ខែធ្នូ ឆ្នាំ ២០១៧។
ការសម្ពោធនោះ ត្រូវបានធ្វើឡើងបន្ទាប់ពីត្រាំ បានប្រកាសកាលពីសប្តាហ៍មុនថា អាមេរិកដកខ្លួនចេញពីកិច្ចព្រមព្រៀងនុយក្លេអ៊ែរអ៊ីរ៉ង់ ហើយថា ការវាយប្រហាររបស់អ៊ីស្រាអែល ២ ថ្ងៃក្រោយមកទៀតទៅលើគោលដៅអ៊ីរ៉ង់រាប់សិបនៅក្នុងទឹកដីស៊ីរី។
ការវាយប្រហារទាំងនោះ ត្រូវបានធ្វើឡើងបន្ទាប់ពីការបាញ់គ្រាប់រ៉ុក្កែតសំដៅកងកម្លាំងអ៊ីស្រាអែលនៅក្នុងតំបន់ Golan Heights ដែលត្រួតត្រាដោយអ៊ីស្រាអែល ហើយអ៊ីស្រាអែល ចោទប្រកាន់លើអ៊ីរ៉ង់។
រដ្ឋការត្រាំ បានប្តេជ្ញាចាប់ផ្តើមដំណើរការស្វែងរកសន្តិភាពជាថ្មីនៅក្នុងតំបន់មជ្ឈិមបូព៌ា ប៉ុន្តែការរើ ស្ថានទូតរបស់ អាមេរិកនេះ បង្កឲ្យមានតាន តឹងកាន់តែខ្លាំង៕
