.jpg)
ក្រុមពន្លត់អគ្គិភ័យ (ឆ្វេង) ឈរក្បែរព្រះវិហារ និងហាងត្រូវភ្លើងឆេះ។ រូបថត AFP
ក្រុងញូវដែលីៈ ចំនួនអ្នកស្លាប់បានកើនឡើងរហូតដល់ ១៧ នាក់កាលពីថ្ងៃអង្គារដោយមនុស្សយ៉ាងតិច ១៥០ នាក់បានស្លាប់មានមួយចំនួនបានស្លាប់ ដោយសារអំពើហិង្សាទាស់ទែងគ្នាយ៉ាងអាក្រក់បំផុតនៅក្នុងរដ្ឋធានីឥណ្ឌាអស់រយៈពេលជាច្រើនឆ្នាំ ខណៈមានការធ្វើកូដកម្មកាន់តែខ្លាំងឡើងនៅក្នុងផ្នែកខ្លះនៃទីក្រុងបានដុតអគារ និងរថយន្តមួយចំនួន ហើយបានវាយប្រហារទៅលើក្រុមអ្នកកាសែតថែមទៀតផង។
ការតវ៉ាប្រឆាំងនៅក្នុងជម្លោះច្បាប់សញ្ជាតិបានចាប់ផ្តើមតវ៉ាជាទ្រង់ទ្រាយតូចកាលពីថ្ងៃអាទិត្យ ប៉ុន្តែបានចាប់ផ្តើមវាយសម្រុកដោយគ្នាច្រើនកាលពីថ្ងៃចន្ទ និងថ្ងៃអង្គារបានក្លាយទៅជាសមរភូមិប្រយុទ្ធរវាងអ្នកកាន់សាសនា ហិណ្ឌូ និង មូស្លីម នៅក្នុងទីក្រុងញូវដែលី ភាគឦសានជាទីដែលក្រុមអ្នកធ្វើកុបកម្មប្រដាប់ដោយដុំថ្ម ដាវ និងសូម្បីតែកាំភ្លើង ក៏ត្រូវបានពួកគេយកប្រើប្រាស់នៅក្នុងការប្រយុទ្ធគ្នានោះដែរ។
កាលពីថ្ងៃអង្គារ ប៉ូលិសបានដាក់ការរឹតបន្តឹងមួយទៅលើការប្រមូលផ្តុំទ្រង់ទ្រាយធំនៅក្នុងតំបន់នោះ ខណៈអំពើហិង្សាបានបន្តកើតឡើង។ បើតាមការរាយការណ៍បានឲ្យដឹងថា ពួកគេបានគប់ដុំថ្ម និងរចនាសម្ព័ន្ធមួយចំនួនត្រូវបានដុតឆេះយ៉ាងសន្ធោសន្ធៅ។
លោក រ៉ាចីសហ៍ កាល់រ៉ា ជាមន្ត្រីមន្ទីរពេទ្យហ្គូរូ តែហ្គ បាហាឌូ បានថ្លែងប្រាប់AFP កាលពីល្ងាចថ្ងៃអង្គារថា៖ «នៅពេលនេះខ្ញុំក៏អាចអះអាងថា មនុស្ស ១៧ នាក់បានស្លាប់ និងយ៉ាងតិច ១៥០ នាក់ត្រូវបានបញ្ជូនមកកាន់មន្ទីរពេទ្យរបស់យើង ដោយសាររងរបួសនៅក្នុងការប៉ះទង្គិចគ្នា ហើយ ១២ នាក់នៃពួកគេស្ថិតក្នុងស្ថានភាពធ្ងន់ធ្ងរ»៕ SK
