.jpg)
ពលរដ្ឋម្នាក់បានរើអីវ៉ាន់ចេញពីម៉ូតូ នៅមុខផ្ទះរបស់លោក ក្រោយពីភ្នំភ្លើងស្ងប់ស្ងាត់។ AFP
ក្រុងម៉ានីល៖ វិទ្យាស្ថានធរណីវិទ្យា និងភ្នំភ្លើងរបស់ប្រទេស ហ្វីលីពីន បានឲ្យដឹងកាលពីថ្ងៃអាទិត្យថា កម្រិតនៃការប្រកាសអាសន្នអំពីភ្នំភ្លើងតាអាល់ ចាប់ពីកម្រិតប្រកាសអាសន្នពី ៤ ដល់ ៣ នៅក្នុងការឆ្លើយតប ដើម្បីកាត់បន្ថយសកម្មភាពរយៈពេល ១៥ ថ្ងៃ ក្រោយពីកោះភ្នំភ្លើងបានផ្ទុះឡើងកាលពីថ្ងៃទី ១២ ខែមករា។
ប៉ុន្តែវិទ្យាស្ថាននោះបានព្រមានថា ការធ្លាក់ចុះទាបនៃកម្រិតប្រកាសអាសន្ននោះ មិនមែនមានន័យថា ការគំរាមកំហែងនៃការផ្ទុះភ្នំភ្លើងគួរឲ្យគ្រោះថ្នាក់នោះនៅតែកើតមានឡើងដដែលនោះទេ។
ភ្នំភ្លើងតាអាល់បានផ្ទុះឡើងកាលពីថ្ងៃទី ១២ ខែមករា ដោយវិទ្យាស្ថានធរណីវិទ្យា និងភ្នំភ្លើង បានលើកឡើងអំពីកម្រិតប្រកាសអាសន្នភ្លាមៗ ចាប់ពី ៤ រហូតដល់កម្រិត ៥ កម្រិត ៤ បានបង្ហាញថា ការផ្ទុះភ្នំភ្លើងអាចនឹងកើតឡើងនៅក្នុងរយៈពេលប៉ុន្មានថ្ងៃខាងមុខនេះ ហើយកម្រិត ៥ មានន័យថា ការផ្ទុះគួរឲ្យគ្រោះថ្នាក់ អាចនឹងបន្តកើតឡើងតទៅទៀត។
លោក រីណាតូ សូលីដាំ ជាប្រធានវិទ្យាស្ថានភ្នំភ្លើងបានប្រកាសថា កម្រិតប្រកាសអាសន្នអំពីកោះភ្នំភ្លើងនោះ មានចម្ងាយប្រហែល ៦៦ គីឡូម៉ែត្រនៃទីក្រុងម៉ានីលភាគខាងត្បូង ត្រូវបានធ្លាក់ចុះទៅវិញដោយសារ «ចរន្តការផ្ទុះភ្នំភ្លើងគួរឲ្យគ្រោះថ្នាក់បានធ្លាក់ចុះជាបន្តបន្ទាប់»។
នៅក្នុងការជូនដំណឹងចុងក្រោយបំផុតរបស់ខ្លួន វិទ្យាស្ថានធរណីវិទ្យា និងភ្នំភ្លើងរបស់ប្រទេស ហ្វីលីពីនបានថ្លែងថា ស្ថានការណ៍ភ្នំភ្លើងតាអាល់នៅក្នុងរយៈពេល ២ សប្តាហ៍ បន្ទាប់ពីការផ្ទុះភ្នំភ្លើងនោះ «ជាទូទៅសកម្មភាពរញ្ជួយដីភ្នំភ្លើង បានធ្លាក់ចុះបន្តិចម្តងៗជាបន្តបន្ទាប់ បានធ្វើឲ្យកម្លាំងថយចុះនៃសណ្ឋានបាតផ្ទៃដីរបស់កោះភ្នំភ្លើងកាឡាឌីរ៉ា និងភ្នំភ្លើងតាអាល់ (TVI) និងចំហាយឧស្ម័នហ្គាសនៅមាត់ភ្នំភ្លើងដ៏ធំ បានចុះខ្សោយទៅវិញ៕ Xinhua/SK
