ក្រុងអាប៊ូចាៈ ការិយាល័យប្រធានាធិបតីនីហ្សេរីយ៉ា បានឲ្យដឹងថា ក្រុមមេដឹកនាំរបស់ប្រទេសជាច្រើននៅក្នុងតំបន់បឹង Chad បានជួបជុំគ្នាកាលពីថ្ងៃសៅរ៍នៅនីហ្សេរីយ៉ា ដើម្បីជំរុញឲ្យមានការប្រយុទ្ធប្រឆាំងនឹងក្រុមបូកូហារ៉ាម។
ជំនូបកំពូលនោះ ដែលត្រូវចូលរួមដោយប្រទេសនីហ្សេរីយ៉ា កាមេរូន ឆាដ នីហ្សេរ សាធារណរដ្ឋបេណាំង និងសាធារណរដ្ឋអាហ្វ្រិកកណ្តាល គឺជាការតាមដានចំពោះកិច្ចប្រជុំខែវិចិ្ចកា នៅក្នុងប្រទេសឆាដ ដែលបានអំពាវនាវឲ្យធ្វើការប្រយុទ្ធប្រឆាំងក្រុមបូកូហារ៉ាមនៅក្នុងតំបន់ ដែលមានភាពជ្រួលច្របល់នោះ។
ប្រធានាធិបតីលោក Muhammadu Buhari បានថ្លែងនៅក្នុងការបើកជំនួបនោះថា៖«ជំនូបនៅថ្ងៃនេះ គឺនិយាយអំពីការបន្តកិច្ចខំប្រឹងប្រែងរួមរបស់ពួកយើង ដើម្បីដោះស្រាយបញ្ហាសន្តិសុខជាទូទៅនៅក្នុងអនុតំបន់របស់ពួកយើង»។
លោកបានថ្លែងថា៖«ជំនូបនោះ គឺជាការបង្ហាញយ៉ាងច្បាស់អំពីការប្តេជ្ញាចិត្តយ៉ាងមុតមាំថា ពួកយើងទាំងអស់គ្នាចូលរួមការប្រយុទ្ធប្រឆាំងសត្រូវរួមរបស់ពួកយើងគឺ ក្រុមបូកូហារ៉ាម»៕ SK