ក្រុងសេអ៊ូលៈ ការិយាល័យប្រធានាធិបតីបានឲ្យដឹងកាលពីថ្ងៃចន្ទថា ការលុបបំបាត់អាវុធនុយក្លេអ៊ែរ គឺជាប្រធានបទសំខាន់ក្នុងរបៀបវារៈ នៃ ជំនួបរបស់លោកមូន ជេអ៊ីន នៅពេលដែលលោកចូលជួបជាមួយនឹងមេដឹកនាំកូរ៉េខាងជើង គីម ជុងអ៊ុន នៅក្នុងក្រុងព្យុងយ៉ាងនៅសប្ដាហ៍នេះ។
លោកមូន នឹងធ្វើដំណើរទៅកាន់រដ្ឋធានីកូរ៉េខាងជើងនៅថ្ងៃអង្គារនេះ ដើម្បីចូលរួមកិច្ចប្រជុំលើកទី ៣ ជាមួយនឹងលោកគីម នៅក្នុងដំណាក់កាលចុងក្រោយនៃការប្រសើរឡើងនៃទំនាក់ទំនងការទូតនៅលើឧបទ្វីបកូរ៉េ ទោះបីជាភាពល្អប្រសើរបានធ្វើឲ្យកិច្ចពិភាក្សានៃការលុបបំបាត់អាវុធនុយក្លេអ៊ែររវាងក្រុងព្យុងយ៉ាង និងវ៉ាស៊ីនតោន បានជាប់គាំងក្ដី។
លោក Im Jongseok នាយសេនាធិការបស់លោកមូន បានប្រាប់ក្រុមអ្នកយកព័ត៌មានថា៖ «យើងនឹងជំរុញ ឲ្យមានការបោះជំហានទៅមុខនៃការលុបបំបាត់អាវុធនុយក្លេអ៊ែររបស់កូរ៉េខាងជើង និងវិធានការឆ្លើយតបគ្នាទៅវិញទៅមកពីសំណាក់អាមេរិកតាមរយៈការបង្កើតឡើងវិញនូវ កិច្ចពិភាក្សា ដែលផ្ដោតទៅលើការបង្កើតទំនាក់ទំនងថ្មី ដោយសន្តិភាពមួយ»។
លោកមូន ដែលបានជួបជាមួយនឹងលោកគីម ២ ដងមកហើយនោះ គឺជាអ្នកសម្របសម្រួលក្នុងកិច្ចប្រជុំនៅសិង្ហបុរីរវាងលោកដូណាល់ ត្រាំនិងលោកគីម ជុងអ៊ុន កាលពីខែមិថុនា ខណៈដែលពេលនោះលោកគីម ជុងអ៊ុន បានគាំទ្រការលុបបំបាត់អាវុធនុយក្លេអ៊ែរនៅលើឧបទ្វីបកូរ៉េ។
ប៉ុន្តែគ្មានការងារលម្អិតត្រូវបានព្រមព្រៀងនឹងគ្នាហើយក្រុងវ៉ាស៊ីនតោន និងក្រុងព្យុងយ៉ាងនៅតែស្រពេចស្រពិលអំពីមធ្យោបាយ និងរបៀបក្នុងការសម្រេចឲ្យបានគោលបំណងនោះដែរ៕