ក្រុងបាងកក៖ យោងតាមប្រធានគណបក្សប្រឆាំងលោក ស៊ុធីន ខ្លាំងស៊ែង បានឲ្យដឹងថា ទោះបីជាមានកិច្ចពិភាក្សារិះគន់ប្រឆាំងលោកនាយករដ្ឋមន្ត្រី ប្រាយុធ ចាន-អូចា និងរដ្ឋមន្ត្រី ៥ រូបទៀត ដែលបានចាប់ផ្តើមធ្វើឡើងនៅថ្ងៃនេះ (ថ្ងៃចន្ទ) ដោយគ្មានមន្ត្រីសំខាន់ៗមកពីគណបក្សអនាគតឆ្ពោះទៅមុខដែលបច្ចុប្បន្នត្រូវបានរំលាយដោយតុលាការធម្មនុញ្ញ កិច្ចពិភាក្សានេះមិនសូវមានគេចាប់អារម្មណ៍ទេ។
លោក ស៊ុធីន ខ្លាំងស៊ែង ជាសមាជិកសភាបក្សភឿថៃម្នាក់ ប្រចាំនៅមណ្ឌលខេត្តមហាសារ៉ាខាម បានថ្លែងថា គណបក្សភឿថៃនឹងចូលរួមនៅក្នុងកិច្ចពិភាក្សាប្រឆាំងទៅលើគោលដៅរដ្ឋមន្ត្រី ៦ រូប រយៈពេល ៣ ថ្ងៃ ខណៈសមាជិកសភាមកពីគណបក្សអនាគតឆ្ពោះទៅមុខ ដែលត្រូវបានគេរំលាយនោះ ជាគណបក្សនយោបាយធំជាងគេទី ៣ នៅក្នុងសភា នឹងត្រូវបានដឹកនាំដោយសមាជិកសភាលោក Pita Limjaroenrat។
នៅក្នុងចំណោមអតីតសមាជិកសភារបស់បក្សអនាគតឆ្ពោះទៅមុខ ដែលនឹងខកខានមិនចូលរួមនៅក្នុងកិច្ចពិភាក្សារិះគន់នោះ គឺអតីតអគ្គលេខាធិការបក្សអនាគតឆ្ពោះទៅមុខ លោក ភីយ៉ាប៊ុត្រ ស៊ែងកាណុកគុល និងអ្នកនាំពាក្យលោកស្រី ផាន់នីកា វ៉ានីត ដែលកាលពីថ្ងៃអាទិត្យ បានរៀបចំកិច្ចពិភាក្សាមួយ មានចំណងជើងថា «កិច្ចពិភាក្សារិះគន់ក្រៅសភា» ថា ជាអ្នកបើកវាំងននម្នាក់។
គណបក្សអនាគតឆ្ពោះទៅមុខ ត្រូវបានគេរំលាយកាលពីថ្ងៃសុក្រ ដោយតុលាការធម្មនុញ្ញ ជុំវិញប្រាក់កម្ចី ១៩១,២ លានបាត ទទួលពីអតីតមេដឹកនាំបក្សនេះ៕ BKP/SK