.jpg)
ស្ត្រីម្នាក់កំពុងបន្តក់ថ្នាំឲ្យកូនរបស់គាត់ ដែលអង្កុយនៅលើបង្អួចរថភ្លើង ។រូបថត AFP
ក្រុងប៉ារីស៖ យោងតាមការវាយតម្លៃលម្អិតពីចំនួនស្លាប់កុមារដែលត្រូវបានចេញផ្សាយកាលពីថ្ងៃពុធបានឲ្យដឹងថា ក្មេងជាង ១៥ ពាន់នាក់ ដែលមានអាយុក្រោម ៥ ឆ្នាំ បានស្លាប់ជារៀងរាល់ថ្ងៃ នៅក្នុងពិភពលោកដែលកំពុងអភិវឌ្ឍន៍នេះ ដោយមានភាពខុសគ្នាយ៉ាងខ្លាំងក្នុងអត្រាមរណៈ នៅក្នុងប្រទេសជាច្រើន។
ការសិក្សានោះ បានរកឃើញថា ចាប់ពីឆ្នាំ ២០០០ ដល់ចុងឆ្នាំ ២០១៧ ក្មេងទើបនឹងកើតចំនួន ១២៣ លាននាក់ ទារក និងកូនក្មេង បានស្លាប់តិចនៅក្នុងប្រទេសមានប្រាក់ចំណូលទាប និងមធ្យមចំនួន ៩៩ ដែលតំណាងឲ្យ ៩០ ភាគរយ នៃក្មេងស្លាប់អាយុក្រោម ៥ ឆ្នាំ។
ក្រុមអ្នកស្រាវជ្រាវបានថ្លែងប្រាប់ AFP ថា ដោយបន្ថែមតួលេខដំបូងសម្រាប់ឆ្នាំ ២០១៨ រួមទាំងបណ្តាប្រទេសខ្លះមិនត្រូវបានរាប់បញ្ចូលនៅក្នុងចំនួនសរុបដូចជា ប្រទេស ចិន ម៉ិកស៊ិក ប្រេស៊ីល និងម៉ាឡេស៊ី ជាចំនួនស្លាប់ទាំងនៅកុមារភាពនោះ នឹងកើនឡើងជាង ១៣០ លាននាក់ អស់រយៈពេល ២ ទសវត្សរ៍ដំបូងនៅសតវត្សរ៍ទី ២១ នេះ។
ក្រុមអ្នកជំនាញរាប់រយនាក់ បានរាយការណ៍នៅក្នុងទស្សនាវដ្តី Nature ថា មូលហេតុសំខាន់នៃការស្លាប់ផ្សេងៗដោយផ្អែកទៅលើអាយុរបស់ទារកទាំងនោះ។
ការកើតមិនគ្រប់ខែ គឺជាឃាតករសាហាវបំផុត សម្រាប់ក្រុមទារកស្ថិតនៅក្រោមអាយុ ១ ខួប ចំណែកក្មេងចាប់ពីអាយុ ២ ឆ្នាំ ដល់ ៤ ឆ្នាំ អាចនឹងស្លាប់ដោយសារជំងឺគ្រុនចាញ់ ជំងឺអាសន្នរោគ និងការឆ្លងរោគផ្លូវដង្ហើម និងរោគរលាកសួតជាដើម។
ឱកាសរបស់ទារកទើបនឹងកើត ឬកូនក្មេងដែលជិតនឹងស្លាប់បានកើនឡើង ១០ ដង រវាងប្រទេសទាំងនោះ ហើយបានកើនឡើងដល់ទៅ ៤០ ដង រវាងតំបន់មួយចំនួន។
លោក Simon Hay ជាអ្នកនិពន្ធជាន់ខ្ពស់ និងជាប្រធានក្រុមទទួលបន្ទុកជំងឺក្នុងតំបន់នៅវិទ្យាស្ថានវិនិច្ឆ័យ និងវាយតម្លៃសុខភាពនៃ រដ្ឋវ៉ាស៊ីនតោនបានថ្លែងថា ជាមធ្យមកុមារជិត ១៥ ពាន់នាក់ អាយុក្រោម ៥ ឆ្នាំ ស្លាប់រៀងរាល់ថ្ងៃ៕ AFP/SK
