ក្រុងសេអ៊ូលៈ ប្រព័ន្ធផ្សព្វផ្សាយកូរ៉េខាងជើងកាលពីថ្ងៃពុធ បានរិះគន់អតីតអនុប្រធានាធិបតីអាមេរិក លោក ជូ បៃដិន ថា ល្ងីល្ងើឆ្កួតឡប់ និងមាន IQ ទាប ក្រោយពីលោក បានរិះគន់មេដឹកនាំកូរ៉េខាងជើង លោក គីម ជុងអ៊ុន។
លោក បៃដិន ដែលបានបម្រើការងារ ២ អាណត្តិជាអនុរបស់លោកប្រធានាធិបតី បារ៉ាក់ អូបាម៉ា កំពុងចាប់ផ្តើមធ្វើយុទ្ធនាការឃោសនារកសំឡេងឆ្នោត ចាប់តាំងពីបានប្រកាសបេក្ខភាពរបស់លោកសម្រាប់ការតែងតាំងនៅក្នុងបក្សប្រជាធិបតេយ្យ នៅក្នុងការបោះឆ្នោតប្រធានាធិបតីនៅឆ្នាំ ២០២០។
ការអធិប្បាយខ្លះរបស់លោកអំពី មេដឹកនាំកូរ៉េខាងជើងនៅក្នុងអំឡុងយុទ្ធនាការឃោសនានោះ ទំនងជាធ្វើឲ្យក្រុងព្យុងយ៉ាងផ្ទុះកំហឹង ដោយនាំឲ្យមានការអធិប្បាយពីទីភ្នាក់ងារព័ត៌មានផ្លូវការមួយរបស់ខ្លួន គឺ KCNA។
ទីភ្នាក់ងារព័ត៌មាននោះបានចោទលោក បៃដិន ថា បានមើលងាយមេដឹកនាំជាន់ខ្ពស់របស់កូរ៉េខាងជើង ជាពាក្យសម្តី ដែលនិយាយសំដៅមេដឹកនាំ លោក គីម ជុងអ៊ុន និងបាននិយាយថា អតីតសមាជិកព្រឹទ្ធសភានិយាយមិនចេះគិតគ្មានហេតុផល និងលោភអំណាច។
អ្វីដែលលោកបាននិយាយ គឺគ្រាន់តែសម្តីដែលអស់សង្ឃឹមលើកខ្លួនឯងក្នុងនាមជាមនុស្សម្នាក់នោះ។
KCNA មិនបានផ្តល់ព័ត៌មានលម្អិតបន្ថែមទេ ប៉ុន្តែនៅឯការជួបជុំមួយរដ្ឋហ្វីឡាដែលផ្សាយពីថ្ងៃសៅរ៍ លោក បៃដិន រិះគន់ទំនាក់ទំនងរបស់ ត្រាំ ជាមួយមេដឹកនាំកូរ៉េខាងជើង និងរុស្ស៊ី ដោយចោទប្រកាន់ ត្រាំ ថា បានឱបក្រសោបជនផ្តាច់ការ ដូចជា ពូទីន និង គីម ជុងអ៊ុន នេះ៕ Yonhap/PSA