ក្រុងសេអ៊ូលៈ កូរ៉េខាងជើង បានព្រមានកាលពីថ្ងៃអង្គារថា ការបន្តការចរចាពីបញ្ហានុយកេ្លអ៊ែរជាមួយអាមេរិក នឹងត្រូវប៉ះពាល់ ប្រសិនបើអាមេរិកបន្តធ្វើសមយុទ្ធយោធាជាមួយកូរ៉េខាងត្បូងនោះ។
អ្នកនាំពាក្យក្រសួងការបរទេសកូរ៉េខាងជើង បានធ្វើការអធិប្បាយដោយនិយាយយោងដល់សមយុទ្ធ 19-2 Dong Maeng ដែលត្រូវបានគេគ្រោងធ្វើនៅខែក្រោយ។ ការអធិប្បាយនោះបានបង្ហាញថា កូរ៉េខាងត្បូង អាចពិចារណាអំពីការព្រមព្រៀងដើម្បីបន្តការចរចាកម្រិតការងារប្រសិនបើសមយុទ្ធដែលគេគ្រោងនោះពិតជាកើតឡើង។
កូរ៉េខាងជើង បានចាត់សមយុទ្ធបែបនេះថា ជាការឈ្លានពានលើទឹកដីរបស់ខ្លួន។
អ្នកនាំពាក្យនោះ បានថ្លែងថា៖ «ប្រសិនបើសមយុទ្ធយោធានេះ កើតឡើងវានឹងធ្វើឲ្យប៉ះពាល់ដល់កិច្ចចរចាកម្រិតការងារ DPRK-អាមេរិក»។ នេះបើយោងតាមទីភ្នាក់ងារសារព័ត៌មាន KCNA។ «យើងនឹងបង្កើតការសម្រេចចិត្តរបស់យើងអំពីការបើកការចរចាកម្រិតការងារ DPRK-អាមេរិក ខណៈតាមដានវិធានការរបស់អាមេរិកតទៅទៀតនោះ។
DPRK ជាអក្សរកាត់សម្រាប់ឈ្មោះផ្លូវការរបស់ប្រទេស កូរ៉េខាងជើង គឺសាធារណរដ្ឋប្រជាធិបតេយ្យប្រជាមានិតកូរ៉េ។
លោក ដូណាល់ ត្រាំ និងមេដឹកនាំកូរ៉េខាងជើងលោក គីម ជុងអ៊ុន បានឈានដល់កិច្ចព្រមព្រៀង ដើម្បីបន្តការចរចាកម្រិតការងារ នៅពេលដែលពួកគេបានរៀបចំកិច្ចប្រជុំគួរឲ្យភ្ញាក់ផ្អើលនៅព្រំដែនអន្តរកូរ៉េគឺភូមិផាន់ម៉ាន់ជុំកាលពីថ្ងៃទី ៣០ ខែ មិថុនា។
ជាការឆ្លើយតបទៅនឹងសេចក្តីថ្លែងការណ៍ស្តីពីការបន្តការចរចាកម្រិតការងានោះ មេដឹកនាំ US និងកូរ៉េខាងជើង បានព្រមព្រៀងបន្តកិច្ចចរចាតទៅទៀត៕ Yonhap/PSA