ក្រុងសិង្ហបុរីៈ កូរ៉េខាងជើងកាលពីថ្ងៃសៅរ៍ បានថ្លែងថាអាមេរិកកំពុងតែធ្វើខ្លួនភ្ញាក់ផ្អើលចំពោះភាពគ្មានការអត់ធ្មត់ជុំវិញការលុបបំបាត់អាវុធនុយក្លេអ៊ែរ បន្ទាប់ពីរដ្ឋមន្ត្រីការបរទេសអាមេរិកលោក Mike Pompeo បានថ្លែងសង្កត់ធ្ងន់ថា ត្រូវតែរក្សាទណ្ឌកម្មទាំងស្រុង ដើម្បីដាក់សម្ពាធលើក្រុងព្យុងយ៉ាង។
មតិផ្ទុយជាច្រើននៅឯវេទិកាសន្តិសុខនៅប្រទេសសិង្ហបុរីត្រូវបានលើកឡើង បន្ទាប់ពីរបាយការណ៍ថ្មីរបស់អង្គការសហប្រជាជាតិ បានបង្ហាញថាក្រុងព្យុងយ៉ាង បាននិងកំពុងបន្តដំណើរការកម្មវិធីនុយក្លេអ៊ែរ និងមីស៊ីលរបស់ខ្លួន និងកំពុងតែល្មើសទណ្ឌកម្មតាមរយៈការដឹកជញ្ជូនប្រេងតាមកប៉ាល់។
កិច្ចប្រជុំជាប្រវត្តិសាស្ត្រជាមួយនឹងប្រធានាធិបតីដូណាល់ត្រាំ កាលពីខែមិថុនា មេដឹកនាំកូរ៉េខាងជើងលោកគីម ជុងអ៊ុនបានចុះហត្ថលេខាជាមួយនឹង ការប្ដេជ្ញាចិត្តមិនច្បាស់លាស់ «ក្នុងការលុបបំបាត់អាវុធនុយក្លេអ៊ែរនៅលើឧបទ្វីបកូរ៉េ» ដែលនេះ វាខុសឆ្ងាយពីអ្វីដែលអាមេរិកបានទាមទារឲ្យមានការលុបបំបាត់អាវុធនុយក្លេអ៊ែរទាំងស្រុងដោយស្មោះត្រង់ និងមិនអាចកែប្រែបាន។
ខណៈដែលមន្ត្រីអាមេរិកបានបង្ហាញពីសុទិដ្ឋិនិយមជាសាធារណៈអំពីកិច្ចព្រមព្រៀងក្រុងព្យុងយ៉ាងមើលទៅហាក់ដូចជា មិនបានធ្វើអី្វជាដុំកំភួននោះទេ ហើយថែមទាំងបន្ថែមការព្រួយបារម្ភ ដែលសមាជិករដ្ឋខ្លះបានបន្ធូរបន្ថយទណ្ឌកម្មលើប្រទេសនេះ។
នៅក្នុងវេទិកាតំបន់របស់អាស៊ាន រដ្ឋមន្ត្រីការបរទេសលោក Ri Yong Ho បាន «ប្រកាន់ជំហរយ៉ាងរឹងមាំចំពោះការប្ដេជ្ញាចិត្ត និងពាក្យសន្យា» ដើម្បីអនុវត្តកិច្ចព្រមព្រៀងចុះហត្ថលេខា នៅខែមិថុនា ក្នុងប្រទេសសិង្ហបុរី។
ប៉ុន្តែលោក បានរិះគន់ US ចំពោះការធ្វើឲ្យប៉ះពាល់ទំនុកចិត្ត ក្នុងដំណើរកានេះ «អី្វដែលគួរឲ្យភ្ញាក់ផ្អើល គឺថា ការទាមទាររបស់ US បានវិលត្រឡប់ទៅរកដានចាស់ដែលខុសឆ្ងាយពីគោលបំណងថ្នាក់ដឹកនាំរបស់ខ្លួននោះ»៕