ក្រុងសេអ៊ូលៈ ក្រុងសេអ៊ូលបាននិយាយកាលពីថ្ងៃពុធថាកូរ៉េខាងជើង និងកូរ៉េខាងត្បូងគ្រោងបើកការិយាល័យទំនាក់ទំនងរួមនៅសប្តាហ៍នេះ ដើម្បីធ្វើឲ្យការទំនាក់ទំនង និងដោះដូរព័ត៌មានឆ្លងព្រំដែនបានល្អប្រសើរឡើង។
ការិយាល័យនោះ គឺជាការផ្លាស់ប្តូរដ៏សំខាន់នៅក្នុងការស្តារទំនាក់ទំនងរវាងប្រទេសទាំង ២ និងអនុញ្ញាតឲ្យមានជំនួបមួយនៅខែនេះរវាងមេដឹកនាំកូរ៉េខាងជើងលោកគីម ជុងអ៊ុន និងប្រេសិតពិសេសប្រធានាធិបតីកូរ៉េខាងត្បូង។
ក្រសួងបង្រួបបង្រួមក្រុងសេអ៊ូលបានឲ្យដឹងថា ការិយាល័យនេះ នឹងក្លាយជាបណ្តាញទំនាក់ទំនង និងពិគ្រោះយោបល់រយៈពេល ២៤ ម៉ោងសម្រាប់ការធ្វើឲ្យទំនាក់ទំនងអន្តរទ្វីបមានភាពប្រសើរឡើងដោយបានឲ្យល្អប្រសើរឡើងដល់ទំនាក់ទំនងរវាងអាមេរិកនិងកូរ៉េខាងជើង និងបន្ថយភាពតានតឹងខាងយោធា។
នៅឯជំនួបជាប្រវត្តិសាស្ត្រមួយនៅក្នុងខែមិថុនា រវាងប្រធានាធិបតីអាមេរិកលោក ដូណាល់ ត្រាំ និងលោកគីមជុងអ៊ុន មេដឹកនាំទាំង ២ បានចុះហត្ថលេខាលើកិច្ចព្រមព្រៀងមិនច្បាស់លាស់ស្តីពីការលុបបំបាត់នុយក្លេអ៊ែរនៅលើឧបទ្វីបកូរ៉េ ដែលមេដឹកនាំអាមេរិកចាត់ទុកជាកិច្ចព្រមព្រៀងទម្លាយភាពទាល់ច្រក ដើម្បីបញ្ចប់កម្មវិធីនុយក្លេអ៊ែររបស់កូរ៉េខាងជើងនោះ។
អាមេរិក បានអះអាងថា មានការរីកចម្រើនតិច ត្រូវបានធ្វើឡើង ចាប់តាំងពីពេលនោះ ដោយបានជំរុញឲ្យត្រាំលុបចោលដំណើរទស្សនកិច្ចរបស់លោករដ្ឋមន្ត្រីការបរទេស Mike Pompeo ភ្លាមៗកាលពីចុងខែមុននេះ៕