.jpg)
លោកឧបនាយករដ្ឋមន្ត្រី Wissanu Kreangam ថ្លែងថា ឥឡូវនេះយុទ្ធនាការស្របច្បាប់ប៉ុន្តែគណបក្សទាំងអស់និង EC មិនទទួលយកសម្តីនេះ។ BKP
ក្រុងបាងកកៈ ភាពមិនប្រាកដប្រជានៅតែបន្តអូសបន្លាយពេលយូរជុំវិញថា តើគ្រប់គណបក្សនយោបាយទាំងអស់អាចចាប់ផ្តើមធ្វើយុទ្ធនាការបោះឆ្នោតបានដែរ ឬយ៉ាងណា? ថ្វីបើរបបសឹកនេះ បានដកបម្រាមលើសកម្មភាពនយោបាយក្តី។
ថ្វីបើគណបក្សនយោបាយទាំងអស់នេះ បានជ្រើសរើសដើម្បីបន្តនៅខាងភាគីដែលមានសុវត្ថិភាព ដោយចៀសវាងការធ្វើយុទ្ធនាការការបោះឆ្នោតណាមួយកើតឡើង រហូតដល់ថ្ងៃទី ២ ខែ មករា នៅពេលព្រះរាជក្រឹត្យមួយ ដែលអំពាវនាវឲ្យមានការបោះឆ្នោតជ្រើសរើសតំណាងរាស្ត្រនៅថ្ងៃទី ២៤ ខែ កុម្ភៈ ត្រូវបានបោះពុម្ពផ្សាយនៅក្នុងកាសែតភូមិន្ទនោះ។
កាលបរិច្ឆេទបោះឆ្នោតនៅថ្ងៃទី ២៤ ខែកុម្ភៈនោះត្រូវបានគេបញ្ជាក់ជាផ្លូវការនៅក្នុងអំឡុងជំនួបមួយកាលពីថ្ងៃសុក្រសប្តាហ៍មុន រវាងក្រុមប្រឹក្សាជាតិ ដើម្បីសន្តិភាព និងសណ្តាប់ធ្នាប់ (NCPO) និងក្រុមតំណាងគណបក្សនយោបាយជាច្រើនទៀត។
លោកឧបនាយករដ្ឋមន្ត្រី Wissanu Kreangam បានថ្លែងកាលពីថ្ងៃអង្គារថា គ្រប់គណបក្សនយោបាយទាំងអស់ ឥឡូវនេះ អាចចូលរួម ក្នុងសកម្មភាពនយោបាយ គ្រប់ប្រភេទទាំងអស់ ប៉ុន្តែគណៈកម្មាធិការរៀបចំការបោះឆ្នោត (EC) នៅតែមានក្តីមន្ទិលសង្ស័យ។
លោកបានថ្លែងថា ការដកបម្រាមនយោបាយនៅពេល នេះ គឺជាពេលវេលាដ៏ស័ក្តិសមក្នុងការប្រកាសឲ្យប្រើប្រាស់ច្បាប់គ្រប់គ្រងការបោះឆ្នោតតំណាងរាស្ត្រនៅពេលខាងមុខនេះ។
លោក Wissanu បានថ្លែងថា ច្បាប់ស្តីពីការបោះឆ្នោតតំណាងរាស្ត្រចែងថា យុទ្ធនាការឃោសនាបោះឆ្នោត គឺត្រូវបានអនុញ្ញាតឲ្យ នៅពេលដែលព្រះរាជក្រឹត្យស្តីពីការបោះឆ្នោតតំណាងរាស្ត្រនោះ ត្រូវបានបោះពុម្ពផ្សាយដោយកាសែតភូមិន្ទ ហើយចែងថាគណៈកម្មាធិការរៀបចំការបោះឆ្នោត នឹងកំណត់ថា យុទ្ធនាការនោះត្រូវបានធ្វើឡើងតាមរបៀបណា?
