.jpg)
លោក Cornel Feruta ថ្លែងក្នុងសន្និសីទសារព័ត៌មាននៅក្រុងវីយែន។ AFP
ក្រុងវីយែន៖ មហាសន្និបាតលើកទី ៦៣ របស់ទីភ្នាក់ងារថាមពលអាតូមិកអន្តរជាតិ (IAEA) ត្រូវបានចាប់ផ្តើមកាលពីថ្ងៃចន្ទ នៅចំពេលមានភាពតានតឹងកាន់តែខ្លាំងឡើង ជុំវិញកិច្ចព្រមព្រៀងអាវុធនុយក្លេអ៊ែរអ៊ីរ៉ង់។
សមាជិករដ្ឋចំនួន ១៧១ នាក់ របស់ទីភ្នាក់ងារ IAEA បានបង្ហាញវត្តមាននៅកិច្ចប្រជុំចាប់ពីថ្ងៃចន្ទដល់ថ្ងៃសុក្រ។ ការអនុវត្តនៃការការពាររបស់ទីភ្នាក់ងារ IAEA នៅមជ្ឈិមបូព៌ា និងសាធារណរដ្ឋប្រជាធិបតេយ្យប្រជាមានិតកូរ៉េ និងបញ្ហានានាដែលទាក់ទងទៅនឹងសុវត្ថិភាពនៃការសាយភាយវិទ្យុសកម្ម និងមធ្យោបាយនៃការពង្រឹងសកម្មភាពកិច្ចសហប្រតិបត្តិការបច្ចេកទេសរបស់ទីភ្នាក់ងារនេះ គឺស្ថិតនៅក្នុងរបៀបវារៈ ដែលត្រូវលើកយកមកពិភាក្សានៅក្នុងកិច្ចប្រជុំនេះ។
ការពិភាក្សាវិបត្តិអំពីកិច្ចព្រមព្រៀងនុយក្លេអ៊ែរអ៊ីរ៉ង់ ប្រធានស្តីទីរបស់ទីភ្នាក់ងារ IAEA លោកឧត្តមសេនីយ៍ Cornel Feruta បានថ្លែងប្រាប់មហាសន្និបាតថា៖ «មួយសប្តាហ៍ ហើយដែលយើងបានទស្សនកិច្ចក្រុងតេអេរ៉ង់ ដើម្បីចរចាជាមួយក្រុមមន្ត្រីជាន់ខ្ពស់អ៊ីរ៉ង់ ខ្ញុំបានបន្តសង្កត់ធ្ងន់អំពីសារៈសំខាន់នៃកិច្ចប្រតិបត្តិការយ៉ាងត្រឹមត្រូវ និងពេញលេញរបស់អ៊ីរ៉ង់ក្នុងការអនុវត្តនៃការការពារកិច្ចព្រមព្រៀង និងការព្រាងអនុស្សរណៈរបស់ខ្លួនបន្ថែម»។
ប្រធានស្តីទីរបស់ទីភ្នាក់ងារ ថាមពលអាតូមិកអន្តរជាតិ IAEA នោះ បានថ្លែងថា៖ «ទីភ្នាក់ងារបានបន្តផ្ទៀងផ្ទាត់ដោយគ្មានការផ្លាស់ប្តូរអំពីសម្ភារនុយក្លេអ៊ែរ ដែលបានប្រកាសដោយអ៊ីរ៉ង់នៅក្រោមការការពារកិច្ចព្រមព្រៀងរបស់ខ្លួននោះ»៕ Xinhua/SK
