.jpg)
កងទ័ពអាមេរិកសែងសាកសពទាហានរបស់ខ្លួនដែលស្លាប់នៅក្នុងកិច្ចប្រតិបត្តិការប្រឆាំងក្រុមតាលីបង់ នៅខេត្ត Faryab នៃប្រទេស អាហ្វហ្គានីស្ថាន។ AFP
ក្រុងកាន់ដាហារៈ ជនស៊ីវិលយ៉ាងតិច ១១ នាក់បានស្លាប់ និងជាងរាប់សិបនាក់ផ្សេងទៀតរងរបួសកាលពីថ្ងៃចន្ទ ក្រោយពីរថយន្តរបស់ពួកគេបានរងការវាយប្រហារដោយគ្រាប់បែកមួយគ្រាប់ នៅអាហ្វហ្គានីស្ថានភាគខាងត្បូង ដែលក្រុមមន្ត្រីបានថ្លែងប្រាប់ AFP ថា ត្រូវបានរៀបចំធ្វើឡើងដោយក្រុមតាលីបង់។
ការស្លាប់នោះបានកើតឡើងត្រឹមមួយសប្តាហ៍ប៉ុណ្ណោះ ក្រោយពីក្រុមតាលីបង់និងមន្ត្រីអាហ្វហ្គានីស្ថានបានបើក «ផែនទីផ្លូវមួយដើម្បីសន្តិភាព» នៅក្នុងនោះដែលពួកគេបានប្តេជ្ញាចិត្តដើម្បីលុបបំបាត់មិនមានការវាយប្រហារបណ្តាលឲ្យជនស៊ីវិលស្លាប់ និងរងរបួស។
ប្រធានប៉ូលិសខេត្តលោក Tadin Khan បានថ្លែងថា ឧបត្តិហេតុកាលពីថ្ងៃចន្ទ បានកើតឡើងនៅប្រហែលម៉ោង២ល្ងាច នៅពេលរថយន្តមួយគ្រឿងដែលបានដឹកអ្នកដំណើរយ៉ាងច្រើន រងការវាយប្រហារដោយគ្រាប់បែកដែលបានបង្កៃនៅម្ខាងផ្លូវដោយក្រុមតាលីបង់។
វានៅមិនទាន់ដឹងច្បាស់ភ្លាមៗនៅឡើយទេថា តើក្រុមជនរងគ្រោះទាំងនោះ បានកំពុងធ្វើដំណើរនៅក្នុងរថយន្តក្រុងមួយ ឬនៅខាងក្រោយរថយន្តធំនោះ៕SK
