.jpg)
ប្រធានាធិបតីអាមេរិកលោក ដូណាល់ ត្រាំ (ឆ្វេង) និយាយជាមួយសមភាគីបារាំងលោក អេម៉ានុយអែល ម៉ាក្រុងនៅមុនជំនួបនៅវិមាន Elysee។ AFP
ក្រុងប៉ារីសៈ ក្រុមមេដឹកនាំពិភពលោកបានជួបជុំគ្នានៅក្នុងក្រុងប៉ារីស ដើម្បីប្រារព្ធខួបឆ្នាំ ១០០ ចាប់តាំងពីសង្គ្រាមលោក លើកទី ១ ចប់ ស្របពេលភាពជាតិនិយម និងភាពតានតឹងផ្នែកការទូតកាន់តែកើនឡើងខ្លាំង។
មេដឹកនាំប្រហែល ៧០ រូប នៅក្នុងនោះមានប្រធានាធិបតីអាមេរិក លោក ដូណាល់ ត្រាំ និងប្រធានាធិបតីរុស្ស៊ីលោកវ្ល៉ាឌីមៀរ ពូទីន បានចូលរួមប្រារព្ធខួប ១០០ ឆ្នាំនៃបទឈប់បាញ់ឆ្នាំ ១៩១៨ នៅក្នុងរដ្ឋធានីបារាំង។
ពិធីខួបជាច្រើននៅក្នុងក្រុងនូវែលសេឡង់ និងអូស្ត្រាលី បានចាប់ផ្តើមនៅថ្ងៃទី ១១ ខែវិច្ឆិកា នៅទូទាំងពិភពលោក និងហ្វូងមនុស្សជាច្រើន បានគោរពវិញ្ញាណក្ខន្ធដល់ទាហានប្រុស ៨ ម៉ឺននាក់ និងស្ត្រីដែលបានបាត់បង់អាយុជីវិតនៅក្នុងសង្គ្រាមដ៏ធំនេះ។
ការប្រារព្ធខួប ១០០ ឆ្នាំនៃការបញ្ចប់សង្គ្រាមលោកលើកទី ១ នៅក្រុងប៉ារីសដែលត្រូវបានផ្តោតទៅលើផ្នូរនៃទាហានមិនស្គាល់ឈ្មោះនៅក្រោមខ្លោងទា្វរ Arcde Triomphe គ្រោងបង្ហាញការព្រមានអំពីគ្រោះថ្នាក់សម័យទំនើបបណ្តាលមកពីជាតិនិយម។
លោកស្រីអធិការបតីអាល្លឺម៉ង់អេនជេឡា មឺរកែល ថ្លែងកាលពីថ្ងៃសៅរ៍ក្រោយពីពិនិត្យមើលការកាប់រានព្រៃនៅបារាំងភាគខាងកើត ជាទីដែលបទឈប់បាញ់ត្រូវបានចុះហត្ថលេខានោះ បានថ្លែងថា៖ «ថ្ងៃនេះ មិនគ្រាន់តែនិយាយអំពីការរំឭកនោះទេ ថែមទាំងនិយាយអំពីការអំពាវនាវឲ្យមានវិធានការទប់ស្កាត់សង្គ្រាម»។
លោកស្រីមឺរកែល បានថ្លែងបើកពិធីប្រារព្ធខួបរួមជាមួយលោកអគ្គលេខាធិការអង្គការសហប្រជាជាតិក្នុងសន្និសីទនេះ នៅវេទិកាសន្តិភាពក្រុងប៉ារីស បានកើតឡើងបន្ទាប់ពីពិធីរំឭកនៅវិមាន Champs-Elysees កាលពីព្រឹកថ្ងៃអាទិត្យ។
ដោយត្រូវបានរៀបចំដោយប្រធានាធិបតីបារាំងលោកអេម៉ានុយអែលម៉ាក្រុង នោះវេទិកានេះមានបំណងបង្ហាញពីសារៈសំខាន់នៃស្ថាប័នអន្តរជាតិក្នុងការដោះស្រាយជម្លោះនានា៕
