.jpg)
និស្សិតពេទ្យ និងគ្រូពេទ្យ ទាមទារឲ្យមានការការពារពួកគេពីអំពើហិង្សា។AFP
ក្រុងញូវដេលីៈ វេជ្ជបណ្ឌិតឥណ្ឌារាប់ម៉ឺននាក់ កាលពីថ្ងៃចន្ទបានធ្វើកូដកម្ម ដោយបានអំពាវនាវឲ្យមានការការពារ ប្រឆាំងអំពើហិង្សាដែលបង្កដោយអ្នកជំងឺ និងក្រុមគ្រួសាររបស់ពួកគេ ខណៈដែលសភាបានកោះប្រជុំជាលើកដំបូងចាប់តាំងពីមានការបោះឆ្នោតជាតិរួចមក។
ការធ្វើកូដកម្មនៅទូទាំងប្រទេស ដែលបានបន្តរហូតដល់ព្រឹកថ្ងៃអង្គារ ជាការសាមគ្គីភាពជាមួយក្រុមវេជ្ជបណ្ឌិតនៅរដ្ឋវ៉េសបែងហ្គាល់ភាគខាងកើត ក្រោយពីបានរងការវាយប្រហារយ៉ាងឃោរឃៅដោយក្រុមសាច់ញាតិរបស់បុរសម្នាក់ដែលបានស្លាប់។
សមាគមគ្រូពេទ្យឥណ្ឌា (IMA) ដែលតំណាងឲ្យក្រុមគ្រូពេទ្យ ៣៥ ម៉ឺននាក់ នៃចំនួនវេជ្ជបណ្ឌិតរបស់ឥណ្ឌា ៩ សែននាក់ បានអំពាវនាវឲ្យមានការផ្តន្ទាទោសឲ្យបានខ្លាំងជាងមុនបន្ថែមទៀត ចំពោះអ្នកដែលវាយប្រហារទៅលើបុគ្គលិកពេទ្យ។
ការស្តីបន្ទោសទៅលើអ្នកវាយប្រហារជាផ្នែកមួយនៃ «ការរំពឹងទុកខ្ពស់» ដោយក្រុមអ្នកជំងឺ ជាការផ្គត់ផ្គង់បុគ្គលិកពេទ្យមិនគ្រប់គ្រាន់ និងហេដ្ឋារចនាសម្ព័ន្ធខ្សោយផងនោះ ហើយក្រុម IMA បានថ្លែងថា មន្ទីរពេទ្យគួរបំពាក់កាមេរ៉ាសុវត្ថិភាពឲ្យបានច្រើន ហើយច្រកចូលរបស់ភ្ញៀវក្នុងមន្ទីរពេទ្យ គួរត្រូវបានរឹតត្បិត។
ការធ្វើកូដកម្ម ដែលមិនបានរាប់បញ្ចូលជាមួយក្រុមសង្គ្រោះបន្ទាន់ទេនោះ បានធ្វើឡើង ខណៈសភាបានកោះប្រជុំជាលើកដំបូង ចាប់តាំងពីលោកនាយករដ្ឋមន្ត្រី ណារិនត្រា ម៉ូឌី ត្រូវបានជាប់ឆ្នោតជាថ្មីយ៉ាងភ្លូកទឹកភ្លូកដី កាលពីខែឧសភានោះ។
ក្រុមវេជ្ជបណ្ឌិតនៅក្នុងក្រុង Kolkata នៃរដ្ឋវ៉េសបែងហ្គាល់ បានចូលរួមធ្វើកូដកម្មចាប់តាំងពីថ្ងៃចន្ទមុន៕ AFP/SK
