ក្រុងហ្សាការតាៈ កាលពីថ្ងៃពុធក្រុមហ៊ុនផលិតយន្តហោះ Boeing បានចេញសេចក្តីណែនាំពិសេសមួយ ដោយបានបង្ហាញពីបញ្ហាមួយដែលបង្កឡើង ដោយក្រុមទទួលបន្ទុកផែ្នកសុវត្ថិភាព បានធ្វើការស៊ើបអង្កេតទៅលើករណីធ្លាក់យន្តហោះរបស់ក្រុមហ៊ុន LionAir 737 ដែលបានបណ្តាលឲ្យមនុស្ស ១៨៩ នាក់ស្លាប់កាលពីមានកាលពីសប្តាហ៍នោះ។ ក្រុមហ៊ុនផលិតយន្តហោះនោះបានឲ្យដឹងថា ក្រុមមន្ត្រីអាកាសចរណ៍នៅក្នុងតំបន់ ជឿជាក់ថា ក្រុមពីឡុត អាចត្រូវបានទទួលព័ត៌មានខុសដោយប្រព័ន្ធស្វ័យប្រវត្តិរបស់យន្តហោះមុនពេលធ្លាក់បណ្តាលឲ្យមនុស្សស្លាប់ច្រើននោះ។
ក្រុមអ្នកផលិតយន្តហោះ Boeing បានចេញនូវសេចក្តីប្រកាសណែនាំអំពីកិច្ចប្រតិបត្តិការ (OMB) ដែលនាំក្រុមអ្នកប្រតិបត្តិការនូវនីតិវិធីដើម្បីដោះស្រាយស្ថានការណ៍ដែលមានរបាយការណ៍ខុសចេញពីឧបករណ៍ដែលត្រូវបានគេប្រើដើម្បីវាស់ស្ទង់សម្ពាធលំនឹង សីតុណ្ហភាព ឬ ល្បឿន។
ការគ្រប់គ្រងអាកាសចរណ៍សហព័ន្ធអាមេរិកបានចេញបញ្ជាឲ្យក្រុមដឹកជញ្ជូនក្នុងស្រុកធ្វើតាមការណែនាំថ្មីៗដែលទាក់ទងនឹងសញ្ញាផ្តល់ដំណឹងនៅពេលយន្តហោះមានបញ្ហា។
ចំណែកយន្តហោះ ១ គ្រឿងទៀតរបស់ក្រុមហ៊ុនបានបុកបង្គោលភ្លើង ១ ដើមនៅឯព្រលានយន្តហោះ Fatmawati នៅក្នុងក្រុង Bengkulu កាលពីថ្ងៃពុធ ខណៈហោះចេញទៅក្រុងហ្សាការតា។
របាយការណ៍នៅក្នុងស្រុកបានរាយការណ៍ថា ការបុកបង្គោលភ្លើងនោះបណ្តាលឲ្យស្លាបយន្តហោះខាងឆ្វេងបាក់និងមានការពន្យារពេលជើងហោះហើរពាក់ព័ន្ធនឹងក្រុមហ៊ុនអាកាសចរណ៍ដូចក្រុមហ៊ុន Batik Air។
រូបថតជាច្រើនសន្លឹកត្រូវបានបង្ហោះដោយអ្នកប្រើប្រាស់ហ្វេសប៊ុកឈ្មោះ Irsan Hidayat បានបង្ហាញឲ្យឃើញបំណែកស្លាបយន្តហោះបាក់យ៉ាងធំ៕