.jpg)
បំណែកយន្តហោះអ៊ុយក្រែនត្រូវបានបាញ់ធ្លាក់នៅក្រុងតេអេរ៉ង់កាលពីថ្ងៃទី ៨ ខែមករា។ AFP
ក្រុងកៀវ៖ ទីភ្នាក់ងារសារព័ត៌មានអ៊ុយក្រែន Interfax បានរាយការណ៍កាលពីថ្ងៃអាទិត្យថា អនុប្រធានក្រុមហ៊ុនអាកាសចរណ៍អន្តរជាតិអ៊ុយក្រែន លោក អ៊ីហ្គោរ សូសនូវស្គី បានចោទអ៊ីរ៉ង់ពីបទមិនទទួលខុសត្រូវចំពោះការមិនបិទព្រលានយន្តហោះនោះក្រោយពីការវាយប្រហាររបស់អ៊ីរ៉ង់ទៅលើកងកម្លាំងរបស់អាមេរិកនៅក្នុងប្រទេស អ៊ីរ៉ាក់។
អ្នកគ្រប់គ្រងជាន់ខ្ពស់នៃក្រុមហ៊ុនអាកាសចរណ៍អ៊ុយក្រែនបានធ្វើសន្និសីទសារព័ត៌មានមួយ ដោយបានបញ្ជាក់ថា យន្តហោះនោះបានហោះឡើងស្របទៅតាមគោលការណ៍ និងមិនមានការបង្វែរទិសដៅពីផ្លូវនោះទេ និងការទទួលខុសត្រូវចំពោះសោកនាដកម្មទាំងស្រុង ដែលត្រូវបានទម្លាក់ទៅលើភាគីអ៊ីរ៉ង់។
នៅក្នុងអំឡុងសន្និសីទកាសែតនៅក្នុងក្រុងកៀវ លោក សូសនូវស្គី បានថ្លែងថា៖ «នេះគឺជាការមិនទទួលខុសត្រូវយ៉ាងច្បាស់ក្រឡែត។ បើសិនជាអ្នកធ្វើសង្គ្រាម នៅពេលនោះធ្វើសង្គ្រាមតាមដែលចង់ធ្វើ។ ប៉ុន្តែមានមនុស្សនៅជុំវិញអ្នក ដែលត្រូវបានគេការពារ។ ប្រសិនបើពួកគេ បាញ់នៅកន្លែងណាមួយ ពួកគេត្រូវតែបិទព្រលានយន្តហោះ ហើយនៅពេលនោះដែរ អ្នកបានបាញ់ជាច្រើនគ្រាប់តាមដែលអ្នកចង់»។
អ្នកតំណាងក្រុមហ៊ុនអាកាសចរណ៍អន្តរជាតិអ៊ុយក្រែននោះ បានផ្តល់ព័ត៌មានថា៖ «ជើងហោះហើរនោះ គឺជើងហោះហើរតាមធម្មតាពីក្រុងកៀវនៃប្រទេស អ៊ុយក្រែន ទៅកាន់ក្រុងតេអេរ៉ង់។ អ្នកដំណើរទាំងអស់បានមកដល់យន្តហោះត្រៀមចេញដំណើរ ហើយបានទទួលការអនុញ្ញាតបញ្ឆេះម៉ាស៊ីន។ ពួកគេបានចាកចេញពីព្រលាន ដោយយោងតាមការអនុញ្ញាតពីអ្នកគ្រប់គ្រងចរាចរណ៍ផ្លូវអាកាស ដោយបានបញ្ជាក់ថា ភាគីអ៊ីរ៉ង់បានអនុញ្ញាតឲ្យចាប់ផ្តើមហោះហើរ៕ Xinhua/PSA
