ក្រុងប៉ារីសៈ ក្រុមអ្នកតវ៉ាប្រឆាំងរដ្ឋាភិបាល «អាវកាក់ពណ៌លឿង នៅក្នុងប្រទេសបារាំងកាលពីថ្ងៃអង្គារ បានប្តេជ្ញាបង្កើនការតវ៉ារបស់ពួកគេមួយថ្ងៃក្រោយពីមានសម្បទានថ្មីពីលោកប្រធានាធិបតីបារាំងអេម៉ានុយអែល ម៉ាក្រុង ដែលគ្រោងចំណាយប្រមាណ ១២,៥ ពាន់លានដុល្លារ សម្រាប់ប្រទេសនេះ។
លោកម៉ាក្រុង បានប្រកាសវិធានការជាច្រើនកាលពីរាត្រីថ្ងៃចន្ទ នៅពេលថ្លែងទៅកាន់ប្រជាជាតិ នៅក្នុងនោះមានការដំឡើងប្រាក់ឈ្នួលអតិបរមានិងកាត់បន្ថយពន្ធសម្រាប់ក្រុមអ្នកចូលនិវត្តន៍ និងការងារថែមម៉ោង។
មេដឹកនាំកណ្តាលនិយមវ័យ ៤០ ឆ្នាំ ដែលកំពុងប្រឈមនឹងវិបត្តិច្រើនក្នុងការកាន់តំណែងប្រធានាធិបតីរបស់លោកសង្ឃឹមថា អ្វីដែលលោកផ្តល់ឲ្យនេះនឹងបំពេញចិត្តគ្រួសារមានចំណូលទាបនៅក្នុងតំបន់ប្រជុំជន និងជនបទដែលបានឡើងទៅតាមដងផ្លូវនានា ដើម្បីបញ្ចេញកំហឹងរបស់ពួកគេ កាលពី ៣ សប្តាហ៍មុន។
ការស្ទង់មតិ ដែលត្រូវបានធ្វើឡើងភ្លាមៗ ក្រោយពីសុន្ទរកថារយៈពេល ១៣ នាទី ដែលត្រូវបានប្រជាជន ២៣ នាក់មើលនោះ បានបង្ហាញថា ការគាំទ្របានធ្លាក់ចុះយ៉ាងខ្លាំងចំពោះចលនាអាវកាក់ពណ៌លឿងនោះ ប៉ុន្តែប្រហែលពាក់កណ្តាលនៃប្រជាជនបារាំងចង់ឲ្យពួកគេបន្តការតវ៉ានោះ។
Arnaud Ansermier ជាកម្មករសំណង់ម្នាក់ បាននិយាយថា៖ «ខ្ញុំពិតជាសប្បាយចិត្តនឹងអ្វីដែលយើងសម្រេចបាន ក្រោយពីលោកបានបង្ខំចិត្តលាក់ខ្លួនអស់រយៈពេល ៣ ថ្ងៃនោះ»។
លោកបាននិយាយទៀតថា ៖ «យើងគ្រាន់តែបានរុញឲ្យទ្វារបើកចំហនោះវាមិនទាន់គ្រប់គ្រាន់ទេ»។
ក្រសួងមហាផ្ទៃ និយាយថាមនុស្ស ១៣៦ ពាន់នាក់ ចូលរួមការតវ៉ានោះ៕