.jpg)
ប្រជាជនស៊ូដង់ដើរឆ្លងកាត់របាំងផ្លូវនៅលើផ្លូវមួយក្នុងក្រុងខារទុំ។ AFP ហុង មិនា
ក្រុងខារទុំៈ ក្រុមអ្នកតវ៉ាស៊ូដង់ បានអំពាវនាវឲ្យធ្វើយុទ្ធនាការ «បះបោរស៊ីវិល» នៅទូទាំងប្រទេសរយៈពេល ១ ថ្ងៃ នៅថ្ងៃទី ១៤ ខែ កក្កដា នៅក្នុងសេចក្តីប្រកាសកាលពីថ្ងៃចន្ទ ១ ថ្ងៃ ក្រោយពីពួកគេបានរៀបចំការតវ៉ាទ្រង់ទ្រាយធំ ប្រឆាំងក្រុមឧត្តមសេនីយ៍ដែលកំពុងគ្រប់គ្រងអំណាច បានធ្វើឲ្យប្រទេសមួយនេះ មានការរង្គោះរង្គើ។
នៅក្នុងសេចក្តីថ្លែងការណ៍មួយកាលពីថ្ងៃទី ១៣ ខែ កក្កដា របស់សម្ព័ន្ធមិតុ្តដើម្បីសេរីភាព និងការផ្លាស់ប្តូរ បានថ្លែងថា វិធានការនោះមានគោលបំណងដើម្បីបង្កើនការដាក់សម្ពាធទៅលើក្រុមឧត្តមសេនីយ៍ដែលកំពុងគ្រប់គ្រងអំណាច ឲ្យប្រគល់អំណាចទៅឲ្យស៊ីវិលគ្រប់គ្រងជំនួសវិញ ហើយការតវ៉ានឹងត្រូវធ្វើឡើងដោយទ្រង់ទ្រាយធំ។
យុទ្ធនាការបះបោរស៊ីវិល នេះគឺជាការធ្វើកូដកម្មទូទៅលើកទី២ នៅក្នុងរយៈពេលមិនដល់ ១ ខែ ដែលបានធ្វើឡើងខណៈក្រុមមេដឹកនាំតវ៉ា និងក្រុមឧត្តមសេនីយ៍ដែលកំពុងគ្រប់គ្រងអំណាច បានធ្វើការរិះគន់គ្នាទៅវិញទៅមក ជុំវិញអំពើហិង្សាដែលកើតឡើងកាលពីពេលថ្មីៗនេះ នៅអំឡុងពេល «បុរសរាប់លាននាក់» បានធ្វើកូដកម្មទ្រង់ទ្រាយធំ កាលពីថ្ងៃអាទិត្យ ដែលបានបណ្តាលឲ្យមនុស្ស ១០ នាក់ស្លាប់ និងមួយចំនួនទៀតរងរបួស ។
ការប្រកាសអំពីយុទ្ធនាការបះបោរស៊ីវិលរបស់សម្ព័ន្ធមិត្ត ត្រូវបានបង្ហោះនៅលើគេហទំព័រហ្វេសប៊ុក ៕ AFP/SK
