.jpg)
ក្រុមអ្នកតវ៉ាអ៊ីរ៉ាក់នាំគ្នាដុតស្ថានកុងស៊ុលរបស់អ៊ីរ៉ង់ នៅក្នុងទីក្រុងណាចាហ្វដ៏ពិសិដ្ឋ។ AFP
ក្រុងណាចាហ្វ៖ ក្រុមអ្នកតវ៉ាអ៊ីរ៉ាក់បានដុតស្ថានកុងស៊ុលអ៊ីរ៉ង់នៅក្នុងទីក្រុងណាចាហ្វដ៏ពិសិដ្ឋកាលពីថ្ងៃពុធ នៅក្នុងការធ្វើបាតុកម្មប្រឆាំងរដ្ឋាភិបាលកាន់តែអាក្រក់ខ្លាំងឡើង ដែលបានបណ្តាលឲ្យមនុស្សជាង ៣៥០ នាក់ស្លាប់។
អ្នកឆ្លើយឆ្លងរបស់សារព័ត៌មាន AFP បាននិយាយថា អណ្តាតភ្លើង និងដុំផ្សែងខ្មៅក្រាស់ឃ្មឹក បានហុយទ្រលោមចេញពីច្រកចូលរបស់ស្ថានកុងស៊ុលអ៊ីរ៉ង់នៅក្នុងទីក្រុងភាគខាងត្បូង។
ក្រុមអ្នកតវ៉ាបានស្រែកពាក្យស្លោកថា «ជ័យជម្នះ ត្រូវតែមាននៅអ៊ីរ៉ាក់» ហើយ «អ៊ីរ៉ង់ចាកចេញទៅ»។ ការតវ៉ាបានបង្កឲ្យមានអំពើហិង្សានៅក្នុងប្រទេសនេះ ដែលពួកគេបានស្តីបន្ទោសចំពោះការគាំទ្ររដ្ឋាភិបាលមួយ ដែលពួកគេបានកំពុងធ្វើបាតុកម្មប្រឆាំងរយៈពេលជិត ២ ខែមកនោះ។
រដ្ឋធានីរបស់អ៊ីរ៉ាក់ និងទីក្រុងភាគខាងត្បូងភាគច្រើនកាន់និកាយស៊ីអ៊ីតរបស់ខ្លួន ត្រូវបានកាន់កាប់ដោយការតវ៉ាទ្រង់ទ្រាយធំបំផុតចាប់តាំងពីមានការឈ្លានពានដឹកនាំដោយអាមេរិក ដែលបានទម្លាក់លោក សាដាម ហ៊ូសេន នៅឆ្នាំ ២០០៣។
ការផ្លាស់ប្តូររបបកាលពី ១៦ ឆ្នាំមុន បានបើកទ្វារឲ្យប្រទេសក្បែរខាងភាគខាងកើតរបស់ទីក្រុងបាកដាដ បានអភិវឌ្ឍសេដ្ឋកិច្ចនយោបាយ និងឥទ្ធិពលយោធាដ៏ធំមហិមា ហើយបច្ចុប្បន្នបានរងការរិះគន់ពីក្រុមអ្នកតវ៉ាថា មិនសម្រេចបានអ្វីទាល់តែសោះ នៅក្នុងប្រទេសនេះ។
ស្ថានកុងស៊ុលរបស់អ៊ីរ៉ង់នៅក្នុងទីក្រុងការបាឡាដ៏ពិសិដ្ឋទី ២ របស់ប្រទេសអ៊ីរ៉ាក់ ត្រូវបានកំណត់គោលដៅកាលពីដើមខែនេះ ហើយកងកម្លាំងសន្តិសុខ បានការពារកន្លែងក្រុមអ្នកតវ៉ា ៤ នាក់ ដែលត្រូវបានគេបាញ់ស្លាប់នៅទីនោះ។
អ្នកឆ្លើយឆ្លងសារព័ត៌មានរបស់ AFP បាននិយាយថា នៅក្នុងទីក្រុងណាចាហ្វ កាលពីថ្ងៃពុធ ក្រុមកងកម្លាំងសន្តិសុខបានបាញ់ឧស្ម័នបង្ហូរទឹកភ្នែក ដែលបានបង្កឲ្យមនុស្សមួយចំនួនរងរបួស ប៉ុន្តែនៅទីបំផុតពួកគេបានដកថយទៅវិញ ខណៈមនុស្សរាប់រយនាក់បានឡោមព័ទ្ធស្ថានកុងស៊ុលអ៊ីរ៉ង់ ហើយបានដុតកង់ឡាន ភួយ ក្រដាសកាតុង និងរបស់របរផ្សេងៗទៀត។
ក្រុមអ្នកតវ៉ាបានទម្លុះចូលទៅក្នុងអគារនោះ ដែលបានបង្ហាញឲ្យឃើញមានការជម្លៀសបុគ្គលិករបស់ខ្លួន ចេញពីទីនោះផងដែរ៕ AFP/SK
