.jpg)
ក្រុមបុរសអាហ្វហ្គានីស្ថាន បួងសួងខណៈពួកគេ ចូលរួមជំនួប «loya jirga» ថ្ងៃទី ១ នៅក្រុងកាប៊ុលកាលពីថ្ងៃទី ៩ មេសា។ AFP
ក្រុងកាប៊ុលៈ អ្នកនយោបាយរាប់ពាន់នាក់ និងមន្ត្រីមកពីទូទាំងប្រទេស អាហ្វហ្គានីស្ថាន បានជួបជុំគ្នាស្របពេលមានសន្តិសុខតឹងរ៊ឹងនៅក្នុងក្រុងកាប៊ុលកាលពីថ្ងៃចន្ទ ដើម្បីពិភាក្សាអំពីសង្គ្រាម និងកិច្ចខិតខំប្រឹងប្រែងរបស់អាមេរិកក្នុងគោលបំណងបង្កើតកិច្ចព្រមព្រៀងសន្តិភាពជាមួយក្រុមតាលីបង់។
មនុស្សជាង ៣ ពាន់នាក់ ត្រូវបានអញ្ជើញឲ្យចូលរួមជំនួប «loya jirga» ដែលត្រូវបានគេចាត់ទុកថាធំជាងគេបំផុតនៅក្នុងប្រវត្តិសាស្ត្រដ៏ទំនើបរបស់អាហ្វហ្គានីស្ថាននៅក្នុងកិច្ចប្រឹងប្រែងមួយ ដើម្បីកំណត់លទ្ធភាពលក្ខខណ្ឌនានានៅក្រោមកិច្ចព្រមព្រៀងដែលពួកគេអាចទទួលយកដំណោះស្រាយសន្តិសុខ។
ជំនួប loya jirga តាមន័័យត្រង់ គឺជំនួបធំនៅក្នុងក្រុងប៉ាសតូ កំពុងត្រូវបានគេរៀបចំធ្វើឡើង ខណៈអាមេរិកនិងក្រុមតាលីបង់ពិភាក្សាអំពីលទ្ធភាពដកទ័ពបរទេសចេញពីប្រទេស អាហ្វហ្គានីស្ថាន ជាថ្នូរនឹងបទឈប់បាញ់អចិន្រ្តៃយ៍មួយ និងការសន្យាខ្លះរបស់ក្រុមតាលីបង់។
រហូតមកទល់ពេលនេះ កិច្ចចរចានោះបានកាត់បន្ថយអំណាចរបស់លោកប្រធានាធិបតី Ashraf Ghani ដែលក្រុមតាលីបង់ចាត់ទុកថា ជាខ្ញុំបម្រើដាច់ថ្លៃរបស់អាមេរិក។
លោក Ghani បានថ្លែងនៅពេលចាប់ផ្តើមជំនួបនោះថា៖ «យើងចង់បញ្ជាក់ពីគោលការណ៍សំខាន់ៗសម្រាប់ការចរចាជាមួយក្រុមតាលីបង់។ «យើងចង់បានការណែនាំច្បាស់លាស់ពីអ្នកទាំងអស់គ្នា»។
រដ្ឋាភិបាលរបស់លោក Ghani សង្ឃឹមថា ជំនួបនេះគ្រោងដាក់ចេញលក្ខខណ្ឌរបស់ក្រុងកាប៊ុល សម្រាប់កិច្ចព្រមព្រៀងណាមួយនៅក្នុងនោះមានការបន្តការអនុវត្តរដ្ឋធម្មនុញ្ញ និងការការពារសិទ្ធិស្ត្រី ប្រព័ន្ធផ្សព្វផ្សាយ និងសេរីភាពក្នុងការបញ្ចេញមតិយោបល់។
លោកប្រធានាធិបតី Ashraf Ghani បានអញ្ជើញក្រុមតាលីបង់ដែលបានធ្វើសង្គ្រាមទ័ពព្រៃចាប់តាំងពីឆ្នាំ ២០០១ មក។
ភាគច្រើននៃក្រុងកាប៊ុល ត្រូវបានបិទកាលពីថ្ងៃចន្ទ ដោយការឈប់សម្រាកជាសាធារណៈ ១ សប្តាហ៍ត្រូវបានប្រកាសសម្រាប់ព្រឹត្តិការណ៍រយៈពេល ៤ ថ្ងៃនេះ៕ AFP/PSA
