ក្រុងស្រ្តាសប៊ឺកៈ ក្រុមអាជ្ញាធរ បាននិយាយថា ខ្មាន់កាំភ្លើងម្នាក់ បានសម្លាប់មនុស្សយ៉ាងតិចបីនាក់ និង១២នាក់ផ្សេងទៀត បានរងរបួសនៅផ្សារលក់ទំនិញសម្រាប់បុណ្យណូអែលនៅក្រុងស្រ្តាសប៊ឺកនៃប្រទេសបារាំងកាលពីថ្ងៃអង្គារ ហើយបានគេចខ្លួនពីកន្លែងកើតហេតុ។
ការស្វែងរកចាប់ខ្លួនខ្មាន់កាំភ្លើងនោះ បានកំពុងដំណើរការ ក្រោយពីបានបើកការវាយប្រហារនៅម៉ោង៨យប់ ទៅលើផ្លូវមួយនៃផ្លូវជាច្រើន ដែលមានមនុស្សយ៉ាងកកកុញ ដោយបានធ្វើឲ្យហ្វូងអ្នកលក់ទំនិញនៅពេលរាត្រី ភៀសខ្លួនដើម្បីសុវត្ថិភាព។
ប្រភពប៉ូលិស បានឲ្យដឹងថា ក្រុមទាហានដែលបានល្បាតនៅតំបន់នោះ ជាផ្នែកនៃកិច្ចប្រតិបត្តិការប្រឆាំងភេរវកម្មបានបាញ់តគ្នាជាមួយជនសង្ស័យនិងបានធ្វើជនសង្ស័យនោះរងរបួស ប៉ុន្តែមិនអាចចាប់ខ្លួនគេបានទេ។
រដ្ឋមន្ត្រីមហាផ្ទៃលោក Christophe Castaner បានថ្លែងកាលពីព្រឹកថ្ងៃពុធថា ខ្មាន់កាំភ្លើងនោះ បានសម្លាប់មនុស្សបីនាក់ និង១២នាក់ផ្សេងទៀត រងរបួស៕ PSA